କଟକ,ଏନ୍ଏନ୍ଏସ୍: ଆଜି ସକାଳେ କଟକ ମର୍କତ ନଗର ଥାନା ଅନ୍ତର୍ଗତ ସିଡିଏ ସେକ୍ଟର-୮, ରିଙ୍ଗ ରୋଡ଼ରୁ ପରିତ୍ୟକ୍ତ ଅବସ୍ଥାରେ ଏକ ଶିଶୁ କନ୍ୟା ଉଦ୍ଧାର ହୋଇଥିବା ଜଣାପଡିଛି। ତେବେ ଉକ୍ତ ଶିଶୁ କନ୍ୟାଟି ପରିତ୍ୟକ୍ତ ଅବସ୍ଥାରେ ରାସ୍ତାକଡ଼ରେ ପଡିଥିବାର ଦେଖି ସ୍ଥାନୀୟ ଲୋକମାନେ ପୁଲିସକୁ ଖବର ଦେଇଥିଲେ।ପରେ ଶିଶୁ କନ୍ୟାକୁ ମର୍କତ ନଗର ଥାନା ଅଧିକାରୀ ଉଦ୍ଧାର କରିଥିବା ଜଣାପଡିଛି। ଶିଶୁକନ୍ୟାଟିକୁ ବର୍ତ୍ତମାନ କଟକ ଶିଶୁଭବନରେ ରଖାଯାଇ ଚିକିତ୍ସା କରାଯାଉଥିବା ସୂଚନା ମିଳିଛି।
