ପାଟଣାଗଡ଼,ଏନ୍ଏନ୍ଏସ୍: ପାଟଣାଗଡ଼ ଉପଖଣ୍ଡର ଖପ୍ରାଖୋଲ ବ୍ଲକ୍ ଅନ୍ତର୍ଗତ ଭାନପୁର ପଞ୍ଚାୟତର ହନୁପାଲି ଗ୍ରାମରେ ଅଘଟଣ ଘଟିଛି। ଖବରରୁ ପ୍ରକାଶ ଯେ ନିଜ ଘରେ ବେଳମତି ଶୋଇ ଥିବା ସମୟରେ ଏକ ବଣୁଆ ହାତୀ ଆସି ପ୍ରଥମେ ଘରକୁ ଭାଙ୍ଗି ଚୁରମାର କରି ଭିତରକୁ ପଶି ଶୋଇଥିବା ବୃଦ୍ଧା ବେଳମତିକୁ ମାଡିଦେବା ପରେ ଗୁରୁତର ଅବସ୍ଥାରେ ପ୍ରଥମେ ଖପ୍ରାଖୋଲ ଡାକ୍ତର ଖାନାକୁ ଆଣି ପ୍ରାଥମିକ ଚିକିତ୍ସା କରାଯାଇଥିଲା କିନ୍ତୁ ବୃଦ୍ଧା ଅବସ୍ଥା ସଙ୍କଟାପନ୍ନ ହେବାରୁ ପାଟଣାଗଡ଼ ଡାକ୍ତର ଖାନାକୁ ଆଣୁଥିବା ସମୟରେ ବାଟରେ ମୃତ୍ୟୁ ହୋଇଥିଲା।
ତେଣୁ ମୃତ ପରିବାରକୁ ଜଙ୍ଗଲ ବିଭାଗ ପକ୍ଷରୁ ଆର୍ଥିକ ସାହାଯ୍ୟ କରିବାକୁ ଦାବି ହେଉଛି। ୯୦ ବର୍ଷୀୟ ବୃଦ୍ଧା ବେଳମତି ବରିହା ମୃତ ଗାଁ ନିକଟରେ ହାତୀର ପାଦ ଚିହ୍ନ ଦେଖା ଦେଇଥିଲା।
