ଭୁବନେଶ୍ୱର,ଏନ୍ଏନ୍ଏସ୍: ଆଜି ଏପ୍ରିଲ ୧ ତାରିଖ ଉତ୍କଳ ଦିବସ ଅବସରରେ କଂଗ୍ରେସ ଭବନରେ ନିରାଡ଼ମ୍ବର ସହକାରେ ପାଳନ ହେଲା ଉତ୍କଳ ଦିବସ। ଏହି ଅବସରରେ ଜଟଣୀ ବିଧାୟକ ସୁରେଶ କୁମାର ରାଉତରାୟ ଅନ୍ୟ କିଛି ନେତୃବୃନ୍ଦଙ୍କ ସହ କଂଗ୍ରେସ ଭବନରେ ଥିବା ଦେଶର ବରପୁତ୍ରମାନଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାସୁମନ ଅର୍ପଣ କରିଥିଲେ। ଦେଶରେ ଦେଖାଦେଇଥିବା କରୋନା ମହାମାରୀକୁ ପ୍ରତିହତ କରିବା ପାଇଁ ସାମାଜିକ ଦୂରତ୍ୱକୁ ବଜାୟ ରଖି ନିରାଡ଼ମ୍ବର ସହକାରେ ଉତ୍କଳ ଦିବସ ପାଳନ କରାଯାଇଛି।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ମାନସ ଆଚାର୍ଯ୍ୟ, ଲିଙ୍ଗରାଜ ସାହୁ, କପିଳ ପଣ୍ଡା, ଦୀପକ ମହାପାତ୍ର, ବାଙ୍ଗେଲା ମଲ୍ଲିଆ, ସଂକୁନା କଂହର, ପ୍ରିୟବ୍ରତ ପଟ୍ଟନାୟକ, ସରୋଜ ସାହୁ, ସୁନୀଲ ଜେନା ପ୍ରମୁଖ ଉପସ୍ଥିତ ଥିଲେ।
