କଳାହାଣ୍ଡି,ଏନ୍ଏନ୍ଏସ୍ : କଳାହାଣ୍ଡି ଜିଲ୍ଲା ଭବାନୀପାଟଣା ଥୁଆମୁଳ ରାମପୁର ୪୪ ନମ୍ବର ରାଜ୍ୟ ରାଜପଥ କାଦୋପଦର ଛକ ନିକଟରେ ଟ୍ରାକ୍ଟର ଓଲଟି ୪ ଜଣଙ୍କ ମୃତ୍ୟୁ ଘଟିଥିବା ବେଳେ ୭ ଜଣ ଗୁରୁତର ଆହତ ହୋଇ ଭବାନୀପାଟଣା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି ।
ପ୍ରକାଶ ଯେ, ଆଜି ସକାଳୁ ଲାବନ୍ୟସର ଅଞ୍ଚଳରୁ ଭବାନୀପାଟଣା ହିଲ୍ ଟାଉନ୍ ନିକଟରେ ପୂର୍ତ୍ତ ବିଭାଗ ପକ୍ଷରୁ ଏକ ଡ୍ରେନ କାମ ପାଇଁ ଲାବନ୍ୟସର ଅଞ୍ଚଳରୁ ୧୦ ରୁ ଉର୍ଦ୍ଧ ଶ୍ରମିକ ଡ୍ରେନ କାମ ପାଇଁ ଆସିଥିଲେ । କାମ ସାରି ଏକ ଟ୍ରାକ୍ଟରରେ ୧୫ ରୁ ଉର୍ଦ୍ଧ ଶ୍ରମିକ ନିଜ ଘରକୁ ଫେରିବା ବେଳେ କାଦୋପଦର ନିକଟରେ ଭାରସାମ୍ୟ ହରାଇ ଟ୍ରାକ୍ଟର ଓଲଟି ପଡିଥିଲା । ଫଳରେ ଘଟଣାସ୍ଥଳରେ ଦୁଇ ଜଣଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇ ଜଣ ଭବାନୀପାଟଣା ମୁଖ୍ୟ ଚିକିତ୍ସାଳୟକୁ ଆଣିବା ପରେ ମେଡିକାଲରେ ଦୁଇ ଜଣଙ୍କର ମୃତ୍ୟୁ ହୋଇଛି । ଦୁର୍ଘଟଣା ସ୍ଥଳରେ ଭବାନୀପାଟଣା ସଦର ଥାନା ପୋଲିସ ପହଞ୍ଚି ଶବ ଜବତ କରି ଘଟଣାର ତଦନ୍ତ ଚଲାଇଛି ।
