କଟକ,ଏନ୍ଏନ୍ଏସ୍: କଟକ ଜିଲ୍ଲା ସାଲେପୁର ଥାନା କେନ୍ଦୁପାଟଣା ନଟରା ଗ୍ରାମରେ ବଧୁ ହତ୍ୟା ଅଭିଯୋଗ। ଅଭିଯୋଗ ଅନୁଯାୟୀ ନଟରା ଗାଁ ର ଭ୍ରମରବର ସାହୁଙ୍କ ସାନ ପୁଅ ସନାତନ ସାହୁଙ୍କ ଢେଙ୍କାନାଳ ଅଂଚଳର ଏକ ଝିଅ ସହିତ ହିନ୍ଦୁ ଧର୍ମର ବୈଦିକ ରୀତିରେ ଦୀର୍ଘ ଦେଢ ବର୍ଷ ତଳୁ ବାହାଘର ହୋଇଥିଲା।
ତେବେ ବାହାଘର ପରେ ଝିଅକୁ ଶାଶୁଘର ଲୋକଙ୍କ ପକ୍ଷରୁ ଅଧିକ ଯୈତୁକ ଦାବି କରାଯାଉଥିଲା ଯାହାକୁ ନେଇ ତାଙ୍କୁ ଶାରୀରିକ ଓ ମାନସିକ ନିର୍ଯ୍ୟାତନା ଦିଆଯାଉଥିଲା ଓ ପରେ ତାକୁ ହତ୍ୟା କରାଯାଇଥିବା ନେଇ ଝିଅର ବାପ ଘର ଲୋକଙ୍କ ପକ୍ଷରୁ ଆଜି ସାଲେପୁର ଥାନାରେ ଏକ ଲିଖିତ ଅଭିଯୋଗ ହୋଇଛି। ତେବେ ପୁଲିସ ମାମଲା ରୁଜୁ କରି ଘଟଣାର ଅଧିକ ତଦନ୍ତ ଆରମ୍ଭ କରିଛି।
