ଦେବଗଡ଼,ଏନ୍ଏନ୍ଏସ୍ : ଟ୍ରକ୍ ଧକ୍କାରେ ଛାତ୍ରୀ ମୃତ । ଏଭଳି ଅଭାବନୀୟ ଘଟଣା ଘଟିଛି, ଦେବଗଡ଼ ଥାନା ଅନ୍ତର୍ଗତ ରଜାମୁଣ୍ଡା ଠାରେ । ଆଜି ସନ୍ଧ୍ୟାରେ ଟ୍ରକ ଧକ୍କାରେ ଟିଉସନ ଫେରନ୍ତା ଛାତ୍ରୀର ଶୋଚନୀୟ ମୃତ୍ୟୁ ଘଟିଥିବା ଜଣାପଡିଛି ।
ମିଳିଥିବା ସୂଚନା ଅନୁଯାୟୀ, ରଜାମୁଣ୍ଡା ଠାରେ ଭଡା ଘରେ ରହି ଏକ ଘରୋଇ ଇଂରାଜୀ ମିଡିୟମ ସ୍କୁଲରେ ନିଜ କନ୍ୟା ଶିଶୁକୁ ପାଠ ପଢାଉଥିବା ବାରକୋଟ ବ୍ଲକ ଅନ୍ତର୍ଗତ ଦଣ୍ଡ ସିଂହା ଗ୍ରାମର ଶାନ୍ତନୁ କୁମାର ବେହେରାଙ୍କ ସ୍ତ୍ରୀ ନୀଳିମା ବେହେରା । ଆଜି ସନ୍ଧ୍ୟା ପ୍ରାୟ ୫ ଟା ସମୟରେ ନିଜ ଶିଶୁ କନ୍ୟା କାଜଲ ବେହେରାଙ୍କୁ ଟିଉସନରୁ ଏକ ସ୍କୁଟି ଯୋଗେ ନିଜ ଘରକୁ ଫେରୁଥିବା ବେଳେ ୪୯ ନମ୍ବର ଜାତୀୟ ରାଜପଥ ଉପରେ ଏକ ଟ୍ରକ ଧକ୍କା ଦେଇଥିଲା ।
ଫଳରେ କାଜଲ ରାସ୍ତା ଉପରେ ପଡିଯିବାରୁ ଟ୍ରକ ଟି ତାଙ୍କ ଶରୀର ରେ ଚଢି ଯାଇଥିଲା। ଘଟଣା ସ୍ଥଳରେ କାଜଲଙ୍କ ମୃତ୍ୟୁ ଘଟିଥିଲା । ସେହିପରି ମା ନୀଳିମା ଗୁରତର ହୋଇଥିଲେ । ଦୁର୍ଘଟଣା ପରେ ସ୍ଥାନୀୟ ଲୋକେ ଉତ୍ୟକ୍ତ ହୋଇ ୪୯ ନମ୍ବର ଜାତୀୟ ରାଜପଥ ଅବରୋଧ କରିବା ସହ କ୍ଷତିପୂରଣ ଦାବୀରେ ରାସ୍ତାରୋକ କରିଥିବା ଜଣା ପଡିଛି । ଘଟଣାସ୍ଥଳରେ ସ୍ଥାନୀୟ ତହସିଲଦାର ପଲ୍ଲବୀ ନାୟକ, ଏସଡ଼ିପିଓ ସୁଲେମାନ ଏକ୍କାଙ୍କ ସମେତ ପୁଲିସ ଫୋର୍ସ ଉତକ୍ତ୍ୟ ଲୋକଙ୍କୁ ବୁଝାସୁଝା କରିଥିଲେ।
