ଦେଇଜ୍ଞଙ୍ଗ,ଏନଏନଏସ : କୁଣ୍ଢେଇଗୋଳା ଥାନା ଅନ୍ତର୍ଗତ ତିଲେଇପଶି ଗ୍ରାମରେ ସ୍ପଷ୍ଟ ଦିବାଲୋକରେ ଜଣେ ବିବାହିତ ମହିଳାଙ୍କୁ ଦୁଷ୍କର୍ମ ଉଦ୍ୟମ କରାଯାଇଥିବା ଅଭିଯୋଗ ହୋଇଛି। ଅଭିଯୋଗ ଆଧାରରେ କୁଣ୍ଢେଇଗୋଳା ଥାନା ପୁଲିସ ଏକ ମାମଲା ଋୁଜ୍ଜୁ କରି ଘଟଣାର ତଦନ୍ତ ଆରମ୍ଭ କରିବା ସହ ଅଭିଯୁକ୍ତ ଯୁବକକୁ ଗିରଫ କରି ଡାକ୍ତରୀ ମାଇନା ପାଇଁ ପଠାଇଥିବା ଜଣା ପଡିଛି।
ପୁଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଗତକାଲି ତିଲେଇପଶି ଗ୍ରାମର ଜଣେ ବିବାହିତ ମହିଳା କାମସାରି ନିଜ ଘରକୁ ଫେରୁଥିବା ସମୟରେ ଉକ୍ତ ଗ୍ରାମର କେଶବ ମାହାରଙ୍କ ପୁଅ ଟୁନା ମାହାର ରାସ୍ତାରେ ତାଙ୍କୁ ଏକୁଟିଆ ଦେଖି ପ୍ରେମ ନିବେଦନ କରିଥିଲା। ମାତ୍ର ଉକ୍ତ ମହିଳା ଜଣଙ୍କ ଏହାକୁ ପ୍ରତ୍ୟାକ୍ଷାନ କରିବାରୁ ଟୁନା ତାଙ୍କୁ ନିକଟରେ ଥିବା ଏକ ଚାକୁଣ୍ଡା ଗଛ ମୂଳକୁ ଟେକି ନେଇ ବଲତ୍କାର ଉଦ୍ୟମ କରିଥିଲା ।
ତେବେ ଉକ୍ତ ମହିଳା ଜଣକ ବହୁ କଷ୍ଟରେ କୈାଶଳ କ୍ରମେ ସେଠାରୁ ଖସି ଆସି ସାହି ପଡିଶା ଲୋକଙ୍କୁ ଘଟଣା ସମ୍ପର୍କରେ କହିବା ସହ ଗ୍ରାମର ୱାର୍ଡ ମେମ୍ବର ମଙ୍ଗୁଳୁ ମାହାରଙ୍କ ସହ ଥାନାକୁ ଆସି ଏସମ୍ପର୍କରେ ଲିଖିତ ଅଭିଯୋଗ କରିଥିଲେ। ଅଭିଯୋଗ ଆଧାରରେ ପୁଲିସ ଏକ ମାମଲା ଋୁଜ୍ଜୁ କରି ଅଭିଯୁକ୍ତ ଟୁନାକୁ ଗିରଫ କରି ଡାକ୍ତରୀ ମାଇନା ପାଇଁ ପଠାଇଥିବା ବେଳେ ଆସନ୍ତାକାଲି ତାକୁ କୋର୍ଟ ଚାଳାଣ କରାଯିବ ବୋଲି ପୁଲିସ ସୂତ୍ରରୁ ସୂଚନା ମିଳିଛି।
