ପାଟଣା,ଏନ୍ଏନ୍ଏସ୍: କେନ୍ଦୁଝର ଜିଲ୍ଲା ପାଟଣା ଥାନା ହଳଦୀବଟା ଗ୍ରାମ ନିକଟରୁ ଜଣେ ଯୁବତୀର ଝୁଲନ୍ତା ମୃତଦେହ ଅର୍ଦ୍ଧ ଉଲଗ୍ନ ଅବସ୍ଥାରେ ଉଦ୍ଧାର କରାଯାଇଛି। ମୃତ ଯୁବତୀ ହେଲେ ହଳଦୀବଟା ଗ୍ରାମର କନକ ନାଏକ। ଆଜି ସକାଳୁ ଗ୍ରାମର କିଛି ଲୋକ ଗ୍ରାମର ହୁଡ଼ିକୁ ଯାଇଥିବା ବେଳେ ଏକ ଗଛରେ ଯୁବତୀଙ୍କ ମୃତଦେହ ଅର୍ଦ୍ଧ ଉଲଗ୍ନ ଅବସ୍ଥାରେ ଝୁଲୁଥିବାର ଦେଖିବାକୁ ପାଇଥିଲେ। ପରେ ଗ୍ରାମବାସୀ ଏ ସମ୍ପର୍କରେ ପୁଲିସକୁ ଖବର ଦେଇଥିଲେ। ପୁଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଏଥିରେ ମୃତ ଯୁବତୀଙ୍କ ମା’ ହତ୍ୟା ଅଭିଯୋଗ ଆଣିଥିବା ବେଳେ କେହି ତାଙ୍କ ସହିତ ଦୁଷ୍କର୍ମ କରି ହତ୍ୟା କରିଥିବା ଗ୍ରାମବାସୀ ସନ୍ଦେହ କରୁଛନ୍ତି।
