କୋଲକାତା,ଏଜେନ୍ସି : କୋଲକାତା ପୁଲିସ ସ୍ପେସାଲ ଟାସ୍କଫୋର୍ସ ଅଧିକାରୀମାନେ ଇଏମ୍ ବାଇପାସ୍ ନିକଟରେ ଏକ କାରରୁ ୧୩.୫ କିଲୋଗ୍ରାମର ନିଶା ଟାବଲେଟ୍ ଜବତ କରିଛନ୍ତି। ଏହାର ବଜାର ଦର ପ୍ରାୟ ୩.୫ କୋଟି ଟଙ୍କା ହେବ। ଏ ସମ୍ପର୍କରେ ନିର୍ଦ୍ଦିଷ୍ଟ ସୂଚନା ପାଇଁ ଟାସ୍କଫୋର୍ସର ଅଧିକାରୀମାନେ ରାସ୍ତାରେ ଲୁଚି ରହିଥିଲେ। ସେଠାରେ କାର୍ ପହଞ୍ôଚବା ମାତ୍ରେ ତାକୁ ଅଟକାଇ ଯାଞ୍ଚ କରାଯିବାବେଳେ ଏହାର ସମ୍ମୁଖ ଓ ପଛଭାଗରୁ ଏହି ନିଶା ଟାବଲେଟ୍ ମିଳିଥିଲା। ଏହି ଘଟଣାରେ ୩ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି। ଏମାନେ ମଣିପୁରର ନିଶା ବେପାରୀ ବୋଲି ସେମାନଙ୍କୁ ଜେରା କଲାବେଳେ ଜଣାପଡ଼ିଛି। ଗିରଫ ହୋଇଥିବା ବ୍ୟକ୍ତିମାନେ ହେଲେ ମହମ୍ମଦ ଅମୀର ଖାନ୍, ମହମ୍ମଦ ନାଜିର ହୁସେନ୍ ଓ ଜାଗେଶର ମହାତୋ।
