ପୂର୍ବତନ କାଉନସିଲଙ୍କ ଉପରକୁ ବୋମା ମାଡ଼, ୩ ଗିରଫ

ସୁନ୍ଦରଗଡ଼,ଏନ୍ଏନ୍ଏସ୍: ଦୁର୍ବୃତ୍ତଙ୍କ ବୋମା ମାଡ଼ରେ ପୂର୍ବତନ କାଉନସିଲର ଅଶେଷ ମହାନ୍ତି(ବୁଲୁ) ଗୁରୁତର ଆହତ ହୋଇଛନ୍ତି। ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ପୂର୍ବତନ କାଉନସିଲର ବୁଲୁ ମହାନ୍ତି ନିଜ କାମ ସାରି ଘରକୁ ଫେରୁଥିବା ବେଳେ ତାଙ୍କ ଉପରକୁ ବୋମା ମାଡ଼ କରାଯାଇଥିଲା। ଏହି ଘଟଣାରେ ରାଉରକେଲା ପୁଲିସ ୩ ଜଣଙ୍କୁ ଗିରଫ କରିଛି।

ବୋମା ମାଡ଼ରେ ଆହତ ହୋଇଥିବା ପୂର୍ବତନ କାଉନସିଲର ଆଇଜିଏଚ୍ ହସ୍ପିଟାଲରେ ଭର୍ତ୍ତି ହୋଇ ଚିକିତ୍ସିତ ହେଉଛନ୍ତି। ପୂର୍ବ ଶତ୍ରୁତାକୁ କେନ୍ଦ୍ର କରି ଏହି ବୋମା ମାଡ଼ କରାଯାଇଥିବା ପୁଲିସ ସନ୍ଦେହ କରୁଛି। ଘଟଣାସ୍ଥଳରେ ରାଉରକେଲା ଏସପିଙ୍କ ନେତୃତ୍ୱରେ ବମ ସ୍କ୍ୱାର୍ଡ ପହଞ୍ଚି ବସନ୍ତି କଲୋନୀ ଅଞ୍ଚଳରେ ଅଫୁଟା ବୋମା ରହିଯାଇଥିବା ବେଳେ ସେହି ବମକୁ ନିର୍ଦ୍ଧିଷ୍ଟ ସ୍ଥାନକୁ ନେଇ ବିସ୍ଫୋରଣ କରାଯାଇଥିଲା।

ଉଲ୍ଲେଖଯୋଗ୍ୟ ଯେ, ୭ ବର୍ଷ ପୂର୍ବେ ବ୍ୟବସାୟିକ ଶତ୍ରୁତାକୁ ନେଇ ବୁଲୁ ମହାନ୍ତିଙ୍କ ଉପରକୁ ଦୁର୍ବୃତ୍ତମାନେ ଗୁଳି ଚଳାଇଥିଲେ। ଏଥିରେ ବୁଲୁ ଗୁରୁତର ହୋଇଛନ୍ତି।