ପାଟଣା,ଏନ୍ଏନ୍ଏସ୍: ପାଟଣା ବ୍ଲକ ଯୋଡିଚାତର ଗ୍ରାମ ରାସ୍ତାକଡ଼ରେ ସୋମବାର ଅପରାହ୍ନରେ ଜଣେ ଅଜଣାବ୍ୟକ୍ତି ଓଡି ୦୨ ଏଏକ୍ସ୬୫୫୩ ନମ୍ବର ବିଶିଷ୍ଟ ଧଳା ରଙ୍ଗର ସୁଇଫ୍ଟ ଡିଜିୟାର କାରକୁ ରାସ୍ତା ପାର୍ଶ୍ୱରେ ଛିଡା କରାଇଥିଲେ। ରାସ୍ତା ପାର୍ଶ୍ୱରେ ଥିବା ଜଣେ ଦୋକାନୀଙ୍କୁ କାରଟିର ଚାବିକାଠି ଦେଇ ଚାଳକ କେଉଁଆଡ଼େ ଘଟଣା ସ୍ଥଳରୁ ଫେରାର ହୋଇ ଯାଇଛନ୍ତି। ପୋଲିସ ର ସୂଚନା ମୁତାବକ କାରଟି ଯାଜପୁର ଜିଲ୍ଲା ସୁକିନ୍ଦା ଅଞ୍ଚଳର ହୋଇଥିବା ବେଳେ ଚାଳକ ଜଣକଙ୍କ ଘର କେନ୍ଦୁଝର ଜିଲା ବାରିଆ ଥାନା ଘୁଣ୍ଟ ପଶି ଗ୍ରାମରେ। ଚାଳକ କାର ପାଖକୁ ନଫେରିବାରୁ ଗ୍ରାମବାସୀ ଓ ଦୋକାନୀ ଙ୍କ ମନରେ ସନ୍ଦେହ ଜାତ ହେବାରୁ ତୁରୁମୁଙ୍ଗା ପୋଲିସକୁ ଖବର ଦେଇଥିଲେ।ଖବର ପାଇ ଘଟଣା ସ୍ଥଳରେ ତୁରୁମୁଙ୍ଗା ପୋଲିସ ପହଞ୍ଚି ଗାଡି କୁ ଜବତ କରି ଘଟଣାର ତଦନ୍ତ କରୁଛି।
