ନୂଆଦିଲ୍ଲୀ,ଏଜେନ୍ସି: ଆମେରିକାରେ ଭାରତ ପକ୍ଷରୁ ନୂଆ ରାଷ୍ଟ୍ରଦୂତ ଭାବେ ତରଣଜିତ୍ ସିଂ ସାନ୍ଧୁଙ୍କୁ ନିଯୁକ୍ତି କରାଯାଇଛି। ସେ ବର୍ତ୍ତମାନ ଶ୍ରୀଲଙ୍କାରେ ଭାରତର ରାଷ୍ଟ୍ରଦୂତ ଥିବାବେଳେ ତାଙ୍କୁ ଏହି ଦାୟିତ୍ୱ ମିଳିଛି। ଆମେରିକାରେ ବର୍ତ୍ତମାନ ଭାରତର ରାଷ୍ଟ୍ରଦୂତ ଥିବା ହର୍ଷବର୍ଦ୍ଧନ ଶୃଙ୍ଗଳାଙ୍କ ସ୍ଥାନରେ ତାଙ୍କୁ ନିଯୁକ୍ତ କରାଯାଇଛି। ସୂଚନା ଅନୁସାରେ ହର୍ଷବର୍ଦ୍ଧନ ଶୃଙ୍ଗଳାଙ୍କୁ ନୂଆ ବିଦେଶ ସଚିବ ଭାବେ ନିଯୁକ୍ତି ଦିଆଯାଇଛି।
ସୂଚନା ଥାଉ କି ତରଣଜିତ୍ ସିଂ ଶ୍ରୀଲଙ୍କାରେ ନିଯୁକ୍ତି ପୂର୍ବରୁ ୱାସିଂଟନରେ ଭାରତୀୟ ଦୂତାବାସରେ ଉପ- ମୁଖ୍ୟ ଭାବେ କାମ କରୁଥିଲେ। ସେ ସେପ୍ଟେମ୍ବର ୨୦୧୧ ମସିହାରୁ ଜୁଲାଇ ୨୦୧୩ ମସିହା ଯାଏଁ ଫ୍ରାଙ୍କଫର୍ଟରେ ମହାବାଣିଜ୍ୟଦୂତ ଭାବେ ମଧ୍ୟକାର୍ୟ୍ୟ କରିଥିଲେ।
