ଲହୁଣୀପଡ଼ା, ଏନ୍ଏନ୍ଏସ୍: ସୁନ୍ଦରଗଡ଼ ଜିଲ୍ଲା କେବଲାଙ୍ଗ ଥାନା ଚାରଧରା ପଞ୍ଚାୟତ କଲ୍ୟାଣ ମଣ୍ଡପ ପାଖରେ ଏକ ଟିପର ଓଲଟି ୩ଜଣ ପ୍ରାଣ ହରାଇଥିବାବେଳେ ଜଣେ ଗୁରୁତର ହୋଇଛନ୍ତି। ଅନ୍ୟ ୬ ଜଣ ଅଳ୍ପକେ ବର୍ତ୍ତି ଯାଇଛନ୍ତି। ମୃତକମାନେ ହେଲେ ରାମଧନ ସିଂ(୪୬) ମଞ୍ଚାବେଡା ପ୍ରଧାନ ମୁଣ୍ଡା (୪୫), ଚଇତୁ ମୁଣ୍ଡା (୪୯)। ମୃତକମାନେ ସମସ୍ତେ ଚାରଧରା ଗ୍ରାମର ବୋଲି ଜଣାପଡ଼ିଛି। ଗୁରୁତର ଆହତ ଆଜାଦ ସିଂ (୧୪) ବଣାଇ ଡାକ୍ତରଖାନା ଭର୍ତ୍ତି ହୋଇଥିବା ସୂଚନା ମିଳିଛି।
ସୂଚନା ମୁତାବକ ୨ ଦିନ ବ୍ୟାପୀ କେବଲାଙ୍ଗ ଥାନା ତାଳଡିହଠାରେ କୁକୁଡ଼ା ଲଢ଼େଇ ସହ ଘୁଡୁଘଡ଼ି ପଟି ଖେଳ ଦେଖିବା ପାଇଁ ଯାଇଥିଲେ। ଗୁରୁବାର ଼ ସନ୍ଧ୍ୟାରେ ତାଳଡିହରୁ ଏକ ଖାଲି ଟିପର ଚାରଧରା ଅଭିମୁଖେ ଫେରୁଥିବା ବେଳେ କଲ୍ୟାଣ ମଣ୍ଡପ ପାଖରେ ଟିପର ଭାରସାମ୍ୟ ହରାଇ ଓଲଟି ପଡ଼ିବାରୁ ଟିପର ତଳେ ଚାପିହାଇ ୩ ଜଣଙ୍କ ମୃତ୍ୟୁ ହୋଇଥିଲା। ପୁଲିସ ପହଞ୍ôଚ ଗାଡ଼ି ସହିତ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇ ତଦନ୍ତ ଚଳାଇଛି।
