କଳାହାଣ୍ଡି,ଏନ୍ଏନ୍ଏସ୍: ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ସୋମବାର ଜୁନାଗଡ ବନବିଭାଗ ରେଞ୍ଜର ଲକ୍ଷ୍ମଣ ଶବରଙ୍କ ଘରେ ଭିଜିଲାନ୍ସ ପକ୍ଷରୁ ଚଢ଼ଉ କରାଯାଉଛି। ଏଥିସହ ଲକ୍ଷ୍ମଣ ଶବରଙ୍କ ପୈତୃକ ଘର ଲଡୁ ଗାଁ, ଶଶୁର ଘର ତୁନଗାଁରେ ଏକକାଳୀନ ଚଢ଼ଉ ଜାରି ରହିଥିବା ବେଳେ ଜୁନାଗଡ ରେଞ୍ଜ ଆଫିସରେ ଗୋଟିଏ ଟିମ ଚଢ଼ଉ ପାଇଁ ଉପସ୍ଥିତ ରହିଛନ୍ତି ।
ଭବାନୀପାଟଣା ଭିଜିଲାନ୍ସ ଡିଏସପି ସତ୍ୟବାନ ମହାନନ୍ଦଙ୍କ ସମେତ ଭିଜିଲାନ୍ସ ଟିମ୍ ବିଭିନ୍ନ ସ୍ଥାନରେ ଏକକାଳୀନ ଚଢ଼ଉ ଜାରି ରଖିଛି। ତେବେ ବର୍ତ୍ତମାନ ସୁଦ୍ଧା ଚଢ଼ଉ ଜାରି ରହିଥିବା ବେଳେ ସ୍ଥାବର ଅସ୍ଥାବର ସମ୍ପତ୍ତିର ଠାବ କରାଯାଇଛି, ଯାହାର ଆନୁମାନିକ ମୂଲ୍ୟ ଏକ କୋଟିରୁ ଊଦ୍ଧ୍ୱର୍ ହେବ ବୋଲି ଆକଳନ କରାଯାଉଛି। ଚଢ଼ଉ ଶେଷ ହେବାପରେ ସମ୍ପତିର ମୂଲ୍ୟାଙ୍କନ କରାଯିବ ବୋଲି ସୂଚନା ମିଳିଛି। ତେବେ ଆର୍ୟବହିଭୁତ ସମ୍ପତି ଠୁଳ ଅଭିଯୋଗକୁ ରେଞ୍ଜର ଖଣ୍ଡନ କରିଛନ୍ତି।
