ମାଲକାନଗିରି,ଏନ୍ଏନ୍ଏସ୍ : ମାଲକାନଗିରି ଜିଲ୍ଲାର କୋରୁକୋଣ୍ଡା ବ୍ଲକ ଅନ୍ତର୍ଗତ ମାର୍କେଲଗୁଡା ଶିଶୁ ଗୃହରେ ରହୁଥିବା ଅସହାୟ ଛାତ୍ରୀ ଜାତୀୟସ୍ତରରେ ସ୍ୱର୍ଣ୍ଣ ଏବଂ ରୌପ୍ୟ ପଦକ ହାସଲ କରି ଜିଲ୍ଲାର ନା ରଖିଥିବାରୁ ବିଭିନ୍ନ ମହଲରୁ ତାଙ୍କୁ ସ୍ୱାଗତ କରାଯାଇଥିଲା। ଆଜି ମାଲକାନଗିରି ଜିଲ୍ଲା ପ୍ରଶାସନ ତରଫରୁ ଜିଲ୍ଲାପାଳ ମନୀଷ ଅଗ୍ରୱାଲ ଛାତ୍ରୀ କୁନି ମାଢିଙ୍କୁ କ୍ରୀଡାରେ ମାଲକାନଗିରି ଜିଲ୍ଲାରେ ସୁନାମ ଅର୍ଜନ କରି ଜାତୀୟ ସ୍ତରରେ କୃତିତ୍ୱ ଅର୍ଜନ କରିଥିବାରୁ ତାଙ୍କୁ ରେଡକ୍ରସ ତରଫରୁ ୧୦ ହଜାର ଟଙ୍କା,ଉତରୀୟ ଏବଂ ପୁଷ୍ପଗୁଛଦେଇ ସମ୍ମାନୀତ କରିଥିଲେ।
ପ୍ରକାଶ ଥାଉ କି, ନବମ ଶ୍ରେଣୀର ଛାତ୍ରୀ କୁନି ମାଢି ଜଣେ ଅନାଥ ଶିଶୁ ହୋଇଥିବାରୁ ତାଙ୍କୁ ମାର୍କେଲଗୁଡା ସ୍ଥିତ ଶିଶୁ ଗୃହରେ ରଖାଯାଇ ଶିକ୍ଷା ଗ୍ରହଣ କରିବା ପାଇଁ ସମସ୍ତ ସୁବିଧା ଜିଲ୍ଲା ଶିଶୁ ସୁରକ୍ଷା କାର୍ଯ୍ୟାଳୟ ତରଫରୁ ଦିଆ ଯାଇଛି। ତେବେ ଦିଲ୍ଲୀଠାରେ ଅନୁଷ୍ଠିତ ୨୮ଟି ରାଜ୍ୟର ଜାତୀୟ ସ୍ତରରେ ଅନୁଷ୍ଟିତ ପ୍ରତିଯୋଗୀତାରେ କୁନି ମାଡ଼ି ଅଂଶ ଗ୍ରହଣ କରି ୧୪ ବର୍ଷରୁ କମ ବାଳିକା ବିଭାଗରେ ଲମ୍ବ ଡିଆଁରେ ରୌପ୍ୟ ପଦକ ହାସଲ କରିଥିବା ବେଳେ ୪୦୦ ମିଟର ରିଲେ ରେସରେ ସ୍ୱର୍ଣ୍ଣ ପଦକ ହାସଲ କରିଛନ୍ତି।
