ସୋର,ଏନ୍ଏନ୍ଏସ୍: ସୋର ପୌରାଞ୍ଚଳରେ ଜଣେ ଷଷ୍ଠ ଶ୍ରେଣୀ ଛାତ୍ରୀଙ୍କୁ ଅସଦାଚରଣ ହୋଇଥିବା ଅଭିଯୋଗରେ ଜଣଙ୍କୁ ଅଟକ ରଖାଯାଇଥିବା ଜଣାପଡ଼ିଛି । ସୂଚନା ଯୋଗ୍ୟ ଯେ ପ୍ରାୟ ଗତ ମାସରୁ ଛାତ୍ରୀ ଜଣକ ସ୍କୁଲ ଯାଉଥିବା ବେଳେ ଦୁଇ ଯୁବକ ରାସ୍ତାରେ ତାଙ୍କୁ କମେଣ୍ଟ ମାରିବା ସହ ଅଶ୍ଳୀଳ ଭାଷାରେ ଇଙ୍ଗିତ କରିଥିଲେ। ଘଟଣାକୁ ନେଇ ଗାଁ ଲୋକେ ଗତ ୧୫ ଦିନ ତଳେ ସମାଧାନ କରିଥିଲେ ମଧ୍ୟ ଶନିବାର ଛାତ୍ରୀ ଜଣଙ୍କ ସ୍କୁଲ ଯିବା ବେଳେ ସମାନ ଘଟଣା ଘଟିଥିବାରୁ ଛାତ୍ରୀ ଜଣକ ଦିବ୍ୟାଙ୍ଗ ବାପାକୁ ଘଟଣା ସମ୍ପର୍କ ଜଣାଇଥିଲେ।
ଏହାପରେ ଗାଁ ଲୋକଙ୍କ ସହିତ ଗତକାଲି ବିଳମ୍ବିତ ରାତ୍ରିରେ ସୋର ଥାନାରେ ଏନେଇ ଅଭିଯୋଗ କରିଥିଲେ। ଅପରପକ୍ଷରେ ଛାତ୍ରୀଙ୍କ ବାପା ଜଣେ ଦିବ୍ୟାଙ୍ଗ ଯୋଗୁଁ ମା ଭଦ୍ରକରେ ଏକ ବେସରକାରୀ ସଂସ୍ଥାରେ କାର୍ୟ୍ୟ କରନ୍ତି ବୋଲି ଜଣାପଡ଼ିଛି। ଏହାପରେ ଉକ୍ତ ଘଟଣାରେ ପୁଲିସ ଜଣେ ଅଭିଯୁକ୍ତ ହରିହର ମାଲିକକୁ ଅଟକ ରଖିଛି। ଅନ୍ୟ ଅଭିଯୁକ୍ତ ଇଶ୍ବର ମହାଳିକ ଫେରାର ଥିବାୂ ଜଣାଯାଇଛି।
