ଝାରସୁଗୁଡ଼ା,ଏନ୍ଏନ୍ଏସ୍: ଝାରସୁଗୁଡ଼ା ବାଗଡ଼ିହି ରେଳଷ୍ଟେସନରେ ୨ଜଣ ଝିଅ ଚଳନ୍ତା ଟ୍ରେନରୁ ଡେଇଁ ପଡ଼ିଥିବା ଜଣାପଡ଼ିଛି। ସୂଚନା ଅନୁସାରେ ଉତ୍କଳ ଏକ୍ସପ୍ରେସ ଟ୍ରେନରେ ଯାତ୍ରା କରୁଥିବା ବେଳେ ଷ୍ଟେସନ ନିକଟ ହେବାରୁ ଦୁହେଁ ଚଳନ୍ତା ଟ୍ରେନରୁ ଡେଇଁ ପଡ଼ିଥିଲେ। ଫଳରେ ଜଣେ ଝିଅର ଗୋଡ଼ କଟିଯିବା ସହ ଅନ୍ୟ ଜଣଙ୍କ ମୁଣ୍ଡରେ ଗଭୀର ଆଘାତ ଲାଗିଛି।
ସେଠାରୁ ସ୍ଥାନୀୟ ଲୋକମାନେ ଓ ରେଲୱେ ପୁଲିସ ପହଞ୍ଚି ସେମାନଙ୍କୁ ଉଦ୍ଧାର କରି ବୁର୍ଲା ହସ୍ପିଟାଲକୁ ସ୍ଥାନାନ୍ତର କରିଛନ୍ତି। ସେହି ୨ ଝିଅଙ୍କ ଘର ସୁନ୍ଦରଗଡ଼ ଜିଲ୍ଲାର ଧୁତରା ଠାରେ ବୋଲି ଜଣାପଡିଛି।
