ଝାରସୁଗୁଡା,ଏନ୍ଏନ୍ଏସ୍: ଝାରସୁଗୁଡା ଜିଲ୍ଲା କିର୍ମିରା ବ୍ଲକ ସଂକରାବାହାଲ ଗାଁରେ ମଙ୍ଗଳବାର ଅପରାହ୍ଣରେ ଧାନ ପେସାଉଥିବା ବେଳେ ମେସିନରେ ଚାପି ହୋଇ ଜଣେ ପ୍ରାଣ ହରାଇଛନ୍ତି। ମୃତ ବ୍ୟକ୍ତି ଜଣକ କୋଲାବିରା ବ୍ଲକ ନୂଆଁପାଲି ଗ୍ରାମର ସୁଶାନ୍ତ ଧୁରୁଆ(୨୫) ବୋଲି ଜଣାପଡିଛି। ଖବର ପାଇ ଲଇକେରା ପୁଲିସ ଘଟଣାସ୍ଥଳକୁ ପହଂଚି ଥିଲେ ହେଁ ଥ୍ରେସର ମେସିନ ଭିତରେ ଫସି ରହିଥିବା ସୁଶାନ୍ତଙ୍କ ଶବକୁ ବାହାର କରିପାରିନାହିଁ।
ତେଣୁ ଥ୍ରେସର ମେସିନକୁ ସମ୍ପୂର୍ଣ୍ଣ ଭାବରେ ଖୋଲି ଶବ ବାହାର କରିବା ପାଇଁ ମେକାନିକ ଡକାଯାଇଛି। ମେକାନିକ ଆସିଲା ପରେ ସୁଶାନ୍ତଙ୍କ ଶବ ଉଦ୍ଧାରକରି ବ୍ୟବଚ୍ଛେଦ ପରେ ପରିବାର ବର୍ଗଙ୍କୁ ହସ୍ତାନ୍ତର କରାଯିବ ବୋଲି ଲଇକେରା ଥାନା ଅଧିକାରୀ ପ୍ରବୀର କିଶୋରୀ ତ୍ରିପାଠୀ କହିଛନ୍ତି।
ପ୍ରକାଶଯୋଗ୍ୟ ଯେ, ସୁଶାନ୍ତ ସଂକାରାବାହାଲ ଗ୍ରାମର ମଧୁ ଖଡିଆଙ୍କ ଧାନ ମଙ୍ଗଳବାର ଥ୍ରେସର ମେସିନ ସାହାଯ୍ୟରେ ପିସାଉଥିଲେ। ସେ ଧାନ କେଣ୍ଡା ମେସିନରେ ପୁରାଉଥିଲା ସମୟରେ ତାଙ୍କର ସାର୍ଟ ମେସିନରେ ଲାଗି ଯାଇଥିଲା। ଫଳରେ ମେସିନରେ ଦଳି ହୋଇ ସେ ମୃତ୍ୟୁବରଣ କରିଛନ୍ତି।
