ୱାଶିଂଟନ,ଏଜେନ୍ସି: ଆମେରିକାର ଦକ୍ଷିଣ ଡାକୋଟା ଠାରେ ବିମାନ ଦୁର୍ଘଟଣାରେ ୯ ଜଣଙ୍କର ମୃତ୍ୟୁ ହୋଇଥିବା ଜଣାପଡ଼ିଛି। ସୂଚନା ଅନୁସାରେ ଶନିବାର ଦକ୍ଷିଣ ଡାକୋଟାରେ ପିଲାଟସ୍ ପିସି-୧୨ ବିମାନଟି ଘନ କୁହୁଡିରେ ଉଡାଣ ଭରିଥିଲା।
ଏହାର କିଛି ସମୟ ପରେ ପିଲାଟସ୍ ପିସି-୧୨ ବିମାନଟି ଚାମ୍ବରଲେନ ବିମାନବନ୍ଦରଠୁ କିଛି ଦୂରରେ ଦୁର୍ଘଟଣା ଗ୍ରସ୍ତ ହୋଇଥିଲା। ବିମାନଟିରେ ମୋଟ ୧୨ ଜଣ ଯାତ୍ରୀ ଯାତ୍ରା କରୁଥିଲେ। ଦୁର୍ଘଟଣାରେ ୯ ଜଣଙ୍କର ମୃତ୍ୟୁ ହୋଇଥିବାବେଳେ ୩ଜଣ ଆହତ ହୋଇଛନ୍ତି। ମୃତ ୯ଜଣଙ୍କ ମଧ୍ୟରେ ୨ଜଣ ଶିଶୁ ଅଛନ୍ତି। ଦୁର୍ଘଟଣାର କାରଣ ଜଣାପଡିନଥିବାବେଳେ ତଦନ୍ତ ଆରମ୍ଭ ହୋଇଛି।
