ମୟୂରଭଞ୍ଜ,ଏନ୍ଏନ୍ଏସ୍: ମୟୂରଭଞ୍ଜ ଜିଲ୍ଲା ବୈଶିଙ୍ଗା ଅଞ୍ଚଳର ଏକ ଟ୍ରେନଲାଇନ କଡ଼ରୁ ଜଣେ ଛାତ୍ରଙ୍କ ମୃତଦେହ ଉଦ୍ଧାର କରାଯାଇଛି। ତେବେ ଟ୍ରେନ୍ ଧକ୍କାରେ ଛାତ୍ରଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଉଛି। ସୂଚନା ଅନୁଯାୟୀ ଛାତ୍ର ଜଣଙ୍କ ବୈଶିଙ୍ଗା ସ୍ଥିତ ମାଛପଦା ଗୋପବନ୍ଧୁ ଶିକ୍ଷା ନିକେତନରେ ୧୦ମ ଶ୍ରେଣୀରେ ଅଧ୍ୟନ କରନ୍ତି।
ତେବେ ସେ ଶୁକ୍ରବାର ଭୋରରେ ଶିକ୍ଷାନିକେତନ ନିକଟରେ ଯାଇଥିବା ଏକ ରେଳଲାଇନ ନିକଟକୁ ଶୌଚ ହେବାକୁ ଯାଇଥିଲେ। ସେହି ସମୟରେ ଅଘଟଣ ଘଟିଥିବା କୁହାଯାଉଛି। ତେବେ ଛାତ୍ର ଜଣକ ବିଦ୍ୟାଳୟରୁ ଭୋର ସମୟରେ କିପରି ସେହି ସ୍ଥାନକୁ ଗଲେ ତାହାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ପୁଲିସ ଘଟଣାସ୍ଥଳରେ ପୁଲିସ ପହଞ୍ଚି ଶିଶୁଟିର ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ତଦନ୍ତ ଆରମ୍ଭ କରିଛି।
