କୋରାପୁଟ,ଏନ୍ଏନ୍ଏସ୍: କୋରାପୁଟ ଦସମନ୍ତପୁର ଥାନା ଅନ୍ତର୍ଗତ ପୁଡୁସିଲ ଗାଁରେ ଶନିବାର ଏକ ଅଘଟଣ ଘଟିଯାଇଛି। ଧାନଗଦାରୁ ଜଣେ ୩ ମାସର ଶିଶୁକନ୍ୟାର ମୃତ ଦେହ ମିଳିଛି। ମୃତ ଶିଶୁଟି ହେଉଛି ରାଜେନ୍ଦ୍ର ମୁଦୁଲିଙ୍କ ଝିଅ। ଶୁକ୍ରବାର ରାତିରେ ରାଜେନ୍ଦ୍ର ଲୁଡୁ ଖେଳିବାକୁ ଯାଇଥିବା ବେଳେ ୩ ମାସର ଶିଶୁକନ୍ୟା ଓ ୨ ବର୍ଷର ଶିଶୁପୁତ୍ର ମା’ ପାଖରେ ଶୋଇଥିଲେ।
ତେବେ ଅଧାରାତ୍ରିରେ ଶିଶୁକନ୍ୟାଟି କେଉଁଆଡେ ଉଭାନ ହୋଇଯାଇଥିଲା। ତେବେ ରାଜେନ୍ଦ୍ରଙ୍କ ସ୍ତ୍ରୀ ପାଟି କରିବାରୁ ସମସ୍ତେ ଚାରିଆଡେ ଖୋଜାଖୋଜି କରିଥିଲେ।
ଏହି ସମୟରେ ଅନ୍ୟ ଜଣେ ବ୍ୟକ୍ତି ଶିଶୁଟି ଧାନଗଦାରେ ପଡ଼ିଥିବା ଦେଖି ପରିବାର ଲୋକଙ୍କୁ ଖବର ଦେଇଥିଲେ। ସେଠାରୁ ପରିବାର ଲୋକ ଶିଶୁକନ୍ୟାର ମୃତ ଦେହ ଉଦ୍ଧାର କରି ପୁଲିସକୁ ଖବର ଦେଇଥିଲେ। ତେବେ ଦସମନ୍ତପୁର ଥାନା ପୁଲିସ ସେଠାରେ ପହଞ୍ଚି ତଦନ୍ତ ଆରମ୍ଭ କରିଛି।
