ଜୟପୁର: ରାଜସ୍ଥାନର ପୂର୍ବତନ ଉପମୁଖ୍ୟମନ୍ତ୍ରୀ ସଚ୍ଚିନ ପାଇଲଟ ଓ ସାରା ପାଇଲଟ ଛାଡ଼ପତ୍ର ନେଇଛନ୍ତି । ସଚ୍ଚିନଙ୍କ ନିର୍ବାଚନୀ ଆଫିଡେଭିଟରୁ ଏକଥା ସାମ୍ନାକୁ ଆସିଛି । ସଚ୍ଚିନ ଟଙ୍କ୍ ବିଧାନସଭା ସିଟରୁ କଂଗ୍ରେସ ପ୍ରାର୍ଥୀ ଭାବେ ନାମାଙ୍କନ ପତ୍ର ଦାଖଲ କରିବା ପରେ ଆଫିଡେଭିଟ ଦେଇଛନ୍ତି । ଏଥିରେ ପତ୍ନୀଙ୍କ ନାଁ ଆଗରେ ‘ଛାଡପତ୍ର’ ହୋଇସାରିଥିବା ନେଇ ଉଲ୍ଲେଖ କରାଯାଇଛି ।
ସୂଚନାଯୋଗ୍ୟ, ସଚ୍ଚିନ ଓ ସାରା ପ୍ରେମ ବିବାହ କରିଥିଲେ । ଉଭୟଙ୍କ ବିବାହ ୨୦୦୪ରେ ହୋଇଥିଲା । ବିବାହର ୧୯ ବର୍ଷ ପରେ ଦୁହିଁଙ୍କର ଛାଡ଼ପତ୍ର ହୋଇଯାଇଥିଲା । ସାରା ହେଉଛନ୍ତି ଜମ୍ମୁ-କଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ ଅବଦୁଲ୍ଲାଙ୍କ ଝିଅ । ସଚ୍ଚିନ ଓ ସାରା ୨ଜଣ ପୁଅ ଅଛନ୍ତି ।
