ବାଲିଗୁଡ଼ା,ଏନ୍ଏନ୍ଏସ୍: ବାଲିଗୁଡ଼ା ପୁଲିସ ଦ୍ୱାରା ଗଞ୍ଜେଇ ପୂର୍ଣ୍ଣ ଏକ ଟ୍ରକ ଜବତ ହୋଇଛି । ମିଳିଥିବା ରିପୋର୍ଟ ମୁତାବକ, ଗତକାଲି ପୁଲିସ ପେଟ୍ରୋଲିଂ କରୁଥିବା ସମୟରେ ବାଲିଗୁଡ଼ା ଥାନା ଅନ୍ତର୍ଗତ ଏକ ଟ୍ରକ ମୋହନିରି ଘାଟିରେ ଦ୍ରୁତ ଗତିରେ ଯାଉଥିଲା । ଏହାକୁ ପିଛା କରି ଟ୍ରକକୁ ଅଟକାଇଥିଲେ ହେଁ ଡ୍ରାଇଭର ଟ୍ରକରୁ ଡେଇଁ ଚମ୍ପଟ ମାରିଥିଲା । ପୁଲିସ ଟ୍ରକ ଭିତରେ ଯାଞ୍ଚ କରିବା ସମୟରେ ୯୭.୪୦୦ଗ୍ରାମ ଗଞ୍ଜେଇ ପାଇଥିଲା । ଟ୍ରକ ସହ ଗଞ୍ଜେଇକୁ ଜବତ କର ଏକ ମାମଲା ରୁଜୁ କରିଥିବା ନେଇ ଥାନାଧିକାରୀ ସୁଶାନ୍ତ ସାହୁ ସୂଚନା ଦେଇଛନ୍ତି ।
