ନୂଆଦିଲ୍ଲୀ: ବଲିଉଡ ଅଭିନେତା ରଣବୀର କପୁରଙ୍କୁ ଇଡି ସମନ ଜାରି କରିଛି । ରଣବୀରଙ୍କୁ ‘ମହାଦେବ ବୁକ’ ଅନଲାଇନ ବେଟିଂ ଆପ୍ ଲାଗି ସମନ ମିଳିଛି । ଇଡି ଖୁବଶୀଘ୍ର ଜେରା ପାଇଁ ରଣବୀରଙ୍କୁ ଡକାଇବ । ଉକ୍ତ ମାମଲାରେ ରଣବୀରଙ୍କ ପୂର୍ବରୁ ୧୪ ତାରକାଙ୍କ ନାଁ ସାମ୍ନାକୁ ଆସିଛି । ଏଥିରେ ସନି ଲିୟନୀଠୁ ଆରମ୍ଭ କରି ନେହା କକ୍କଡ ସାମିଲ ରହିଛନ୍ତି ।
ସୂଚନାଯୋଗ୍ୟ, ଚଳିତ ବର୍ଷ ଫେବୃୟାରୀରେ ମହାଦେବ ବୁକ୍ ଆପ ପ୍ରମୋଟର ସୌରଭ ଚନ୍ଦ୍ରାକରଙ୍କ ବିବାହରେ ଅନେକ ବଲିଉଡ ତାରକା ସାମିଲ ହୋଇଥିଲେ । ସୌରଭଙ୍କ ବିବାହ ଦୁବାଇରେ ଖୁବ୍ ଆଡ଼ମ୍ବର ସହକାରେ ହୋଇଥିଲା । ଏହି ବିବାହରେ ୨୦୦ କୋଟି ଟଙ୍କା ଖର୍ଚ୍ଚ ହୋଇଥିଲା ।
