ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ସ୍ଥାନୀୟ ଅନୁସୂଚିତ ଜାତି ଓ ଜନଜାତି ଉନ୍ନୟନ ବିଭାଗ ସରକାରୀ ବାଳିକା ଉଚ୍ଚ ବିଦ୍ୟାଳୟରେ ଅଭିଭାବକ ଓ ଅଂଶୀଦାର ସମ୍ମିଳନୀ ଅନୁଷ୍ଠିତ ହୋଇଯାଇଛି । ସ୍କୁଲର ପ୍ରଧାନଶିକ୍ଷୟତ୍ରୀ ନିବେଦିତା ହୋତାଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ବରିଷ୍ଠ ସାମ୍ବାଦିକ ଦୟାନିଧି ସାହୁ, ସିଡିପିଓ ସବିତା ଦାସ, କେନ୍ଦୁଲିଭ ରେଞ୍ଜର ଭାସ୍କର ପାଣିଗ୍ରାହୀ, ଡା ବିଶ୍ୱଜିତ ମିଶ୍ର, ମୁରିବାହାଲ ବ୍ଲକ ଡବ୍ଲ୍ୟୁଇଓ ଭୀମ ରାଜ ମାଝୀ ଓ ଏସଏମସି ଚେୟାରମ୍ୟାନ ଭରତ ଭୋଇ ପ୍ରମୁଖ ଅତିଥି ଭାବେ ଯୋଗଦେଇ ମତବ୍ୟକ୍ତ କରିଥିଲେ । ପ୍ରଥମେ ସ୍କୁଲ ଛାତ୍ରୀଙ୍କ ଦ୍ୱାରା ସଙ୍ଗୀତ ଗାନ କରିବା ପରେ ସଭା କାର୍ଯ୍ୟ ଅନୁଷ୍ଠିତ ହୋଇଥିଲା । ଉକ୍ତ କାର୍ଯ୍ୟକ୍ରମରେ ବକୃତା, ରଙ୍ଗୋଲି, ଚିତ୍ରାଙ୍କନ ଓ ସ୍କୁଲ ଛାତ୍ରୀଙ୍କ ଦ୍ୱାରା ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିବାବେଳେ ଅତିଥିମାନେ ବିଜେତାଙ୍କୁ ମାନପତ୍ର ଓ ଟ୍ରଫି ଦେଇ ପୁରସ୍କୃତ କରିଥିଲେ । ସ୍କୁଲ ଶିକ୍ଷୟତ୍ରୀ ଶ୍ରୀଲତା ମିଶ୍ର, ସନ୍ଧ୍ୟା ରାଣୀ ଗହୀର, ଜୟନ୍ତୀ ସାହୁ, ପ୍ରତ୍ୟାସିନୀ ମିଶ୍ର, ସୁହାସିନୀ ମିଶ୍ର, ଅନ୍ନପୂର୍ଣ୍ଣା ମାଝୀ, ବିଜୟ ଲଷ୍ମୀ ଦାଶ, କଳ୍ପନା ପାଣିଗ୍ରାହୀ, କଳ୍ପନା ରାଉଳ, ଗଗନ ବେହେରା ଓ ପଦ୍ମାଳୟା ପାତ୍ର ପ୍ରମୁଖ ଉପସ୍ଥିତ ଥିଲେ । ଶେଷରେ ସଙ୍ଗୀତା ରଥ ଧନ୍ୟବାଦ ଦେଇଥିଲେ ।
