ସଇଁନ୍ତଲା,ଏନ୍ଏନ୍ଏସ୍: ସଇଁନ୍ତଲା ବ୍ଲକ ସରକାରୀ ଉନ୍ନତି ଉଚ୍ଚ ବିଦ୍ୟାଳୟ କେରମେଲି ସ୍କୁଲରେ ଗୁରୁ ଦିବସ ପାଳିତ ହୋଇଯାଇଛି । ଛାତ୍ରଛାତ୍ରୀଙ୍କ ଦ୍ୱାରା ଆୟୋଜିତ କାର୍ଯ୍ୟକ୍ରମରେ ପ୍ରଧାନଶିକ୍ଷକ ସରୋଜ କୁମାର ମିଶ୍ରଙ୍କ ସଭାପତିତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ସ୍କୁଲ ଶିକ୍ଷୟତ୍ରୀ ରଶ୍ମିତା ନାୟକ ଛାତ୍ରଛାତ୍ରୀଙ୍କୁ ଗୁରୁ ଦିବସ ପାଳନର ତାତ୍ପର୍ଯ୍ୟ ବର୍ଣ୍ଣନା କରିଥିବାବେଳେ ଗୁରୁ ଶିଷ୍ୟ ସମ୍ପର୍କର ଆଲୋଚନା ପୌରାଣିକ କଥାବସ୍ତୁ ଉପରେ ମତବ୍ୟକ୍ତ କରିଥିଲେ । ଶିକ୍ଷୟତ୍ରୀ ମୋନାଲିସା ମହାପାତ୍ରଙ୍କ ସଭା ପରିଚାଳନାରେ ଶିକ୍ଷୟତ୍ରୀ ରିନୁ ସାହୁ, ସବିତା ଇକ୍କା, ମିନତୀ ଦାସ, ଗୀତାଞ୍ଜଳି ମହାକୁଡ଼, ଶିକ୍ଷକ ପ୍ରସାନନ୍ଦ ବାଗ, ସୌମ୍ୟ ରଞ୍ଜନ ମହାନ୍ତି ଓ ଅନୁପମ ମହାନ୍ତି ପ୍ରମୁଖ ଉପସ୍ଥିତ ଥିଲେ । ଶେଷରେ ଛାତ୍ରୀ ସାଂସ୍କୃତିକ ସେବିକା ଶୁଭ୍ରାଞ୍ଜଳି ସାହୁ ଧନ୍ୟବାଦ ଦେଇଥିଲେ।
