ନୂଆଦିଲ୍ଲୀ: ପାକିସ୍ତାନୀ ମହିଳା ସୀମା ହାଇଦର ଭାରତ ଆସିବା ମାମଲାକୁ ନେଇ ଚର୍ଚ୍ଚା ଜାରି ରହିଥିôବାବେଳେ ଏବେ ଏମିତି ଆଉ ଏକ ମାମଲା ସାମ୍ନାକୁ ଆସିଛି । ଏଥର ଜଣେ ଭାରତୀୟ ମହିଳା ତାଙ୍କ ପ୍ରେମିକଙ୍କୁ ଭେଟିବା ପାଇଁ ପାକିସ୍ତାନ ଯାଇଛନ୍ତି । ରାଜସ୍ଥାନରେ ରହୁଥିବା ଉକ୍ତ ମହିଳାଙ୍କ ନାମ ହେଉଛି ଅଞ୍ଜୁ । ୩୪ ବର୍ଷୀୟ ଅଞ୍ଜୁ ବିବାହିତ ଓ ୨ ସନ୍ତାନର ମା’ । ପାକିସ୍ତାନୀ ଯୁବକ ନସରୁଲ୍ଲାଙ୍କ ସହ ଅଞ୍ଜୁଙ୍କର ଫେସବୁକରେ ବନ୍ଧୁତା ହେବା ପରେ ପ୍ରେମ ସମ୍ପର୍କ ଗଢ଼ି ଉଠିଥିଲା ।
ଅଞ୍ଜୁ ପାକିସ୍ତାନରୁ ଏକ ଭିଡିଓ ଜାରି କରି କହିଛନ୍ତି ଯେ, ମୁଁ ବୈଧ ଭିଜା ନେଇ ପାକିସ୍ତାନ ଆସିଛି । ଏଠାରେ ମୁଁ ସୁରକ୍ଷିତ ଅଛି ଏବଂ ମୋର କୌଣସି ସମସ୍ୟା ନାହିଁ । ମୁଁ କିଛିଦିନ ମଧ୍ୟରେ ଭାରତ ଫେରିବି । ମୋ ପିଲା ଓ ପରିବାରକୁ ହଇରାଣ ନ କରିବାକୁ ମୁଁ ମିଡିଆକୁ ଅନୁରୋଧ କରୁଛି ।
