ନୂଆଦିଲ୍ଲୀ: ଆମ ଆଦମି ପାର୍ଟି ସାଂସଦ ସଞ୍ଜୟ ସିଂହଙ୍କୁ ମୌସୁମୀ ଅଧିବେସନର ବାକି କାର୍ଯ୍ୟାବଳୀରୁ ନିଲମ୍ବିତ କରାଯାଇଛି। ରଜ୍ୟସଭା ସଭାପତି ଜଗଦୀପ ଧନକର ବାରମ୍ବାର ମନା କରିବା ସତ୍ୱେ ସଂସଦୀୟ କାର୍ଯ୍ୟାବଳୀରେ ବାଧା ସୃଷ୍ଟି କରିବାରୁ ଏଭଳି ନିଷ୍ପତ୍ତି ନିଆଯାଇଛି । ଧନକର ଏହି ନିଷ୍ପତ୍ତି କେନ୍ଦ୍ରମନ୍ତ୍ରୀ ପୀୟୁଷ ଗୋୟେଲଙ୍କ ଅଭିଯୋଗ ପରେ ନେଇଛନ୍ତି ।
ସୂଚନାଯୋଗ୍ୟ, ସଂସଦରେ ମଣିପୁର ହିଂସା ସମ୍ବନ୍ଧରେ ଚର୍ଚ୍ଚା କରିବା ଲାଗି ସାଂସଦ ସଞ୍ଜୟ ସିଂହ ନାରାବାଜି କରି ସଭାପତି ଆସନ ନିକଟରେ ପହଞ୍ଚିଥିଲେ । ସଭାପତି ଜଗଦୀପ ଧନକରଙ୍କ ବାରଣ ସତ୍ୱେ ସଞ୍ଜୟ ସିଂହ ନିଜ ସ୍ଥାନକୁ ଯାଇନଥିଲେ ।
