ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବେ ଫ୍ରାନ୍ସ ଯାତ୍ରାରେ ଅଛନ୍ତି । ମୋଦୀ ଆଜି ଫ୍ରାନ୍ସର ବେଷ୍ଟିଲ ଡେ’ ନ୍ୟାସନାଲ ପ୍ୟାରେଡରେ ସାମିଲ ହୋଇଛନ୍ତି । ଦୁନିଆର ସବୁଠୁ ବଡ଼ ବଜାର ଓ ସବୁଠୁ ବଡ଼ ଲୋକତନ୍ତ୍ର ରୂପେ ଦେଶକୁ କେତେ ସମ୍ମାନ ମିଳୁଛି ଏହାର ଏକ ସଦ୍ୟ ଉଦାହରଣ ଦେଖିବାକୁ ମିଳିଛି । ଫ୍ରାନ୍ସ ରାଷ୍ଟ୍ରପତି ଇମାନୁଏଲ ମେକ୍ରୋ ହିନ୍ଦୀରେ ଟ୍ୱିଟ୍ କରି ଭାରତକୁ ପ୍ରକୃତ ବନ୍ଧୁ କହିଛନ୍ତି ।
ହିନ୍ଦୀରେ ଟ୍ୱିଟ୍ କରି ରାଷ୍ଟ୍ରପତି ଇମାନୁଏଲ ମେକ୍ରୋ କହିଛନ୍ତି ଯେ, ବିଶ୍ୱ ଇତିହାସରେ ଏକ ବିଶାଳକାୟ ଭବିଷ୍ୟତ ପାଇଁ ନିର୍ଣାୟକ ଭୂମିକା ନିର୍ବାହ କରୁଥିବା ଦେଶ, ରଣନୀତିକ ସହଯୋଗୀ ଓ ମିତ୍ର । ଚଳିତ ବର୍ଷର ଜୁଲାଇ ୧୪ ପ୍ୟାରେଡରେ ଭାରତକୁ ସମ୍ମାନିତ ଅତିଥିରୂପେ ସ୍ୱାଗତ କରି ଆମେ ବେଶ୍ ଖୁସି ଅନୁଭବ କରୁଛୁ ।
