ଟିକାବାଲି,ଏନ୍ଏନ୍ଏସ୍: କନ୍ଧମାଳ ଜିଲ୍ଲା ଟିକାବାଲି ଏଏମସିଏସ ମହାବିଦ୍ୟାଳୟର ଅଧ୍ୟକ୍ଷ ଦୀନବନ୍ଧୁ ମହାନ୍ତିଙ୍କ ସଭାପତିତ୍ୱରେ କ୍ୟାରିୟର କାଉନସେଲିଂ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଜିଲ୍ଲା ଶିଳ୍ପ କେନ୍ଦ୍ର ଫୁଲବାଣୀ ତରଫରୁ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିବାବେଳେ ମୁଖ୍ୟଅତିଥି ଭାବେ ମୁଖ୍ୟ ପରିଚାଳକ ଅଗ୍ରଣୀ ଭାରତୀୟ ଷ୍ଟେଟ ବ୍ୟାଙ୍କ ଫୁଲବାଣୀର ହରେକୃଷ୍ଣ ଜେନା, ବିତ୍ତିୟ ସାକ୍ଷରତା ପରିଚାଳକ ଲକ୍ଷ୍ମୀଧର ମଲ୍ଲିକ, ଶିଳ୍ପ ବିକାଶ ଅଧିକାରୀ ସୁରେନ୍ଦ୍ର ସାହୁ ଓ ବନମାଳି ମହାପାତ୍ର ଯୋଗ ଦେଇଥିଲେ । ବେକାର ଯୁବକଯୁବତୀ କିପରି ପ୍ରଧାନମନ୍ତ୍ରୀ ରୋଜଗାର ଯୋଜନା ଦ୍ୱାରା ସ୍ୱାବଲମ୍ବୀ ହୋଇ ରୋଜଗାରକ୍ଷମ ହୋଇପାରିବେ, ବ୍ୟାଙ୍କ ଜରିଆରେ ୩୫% ସବସିଡି ପାଇଁ ବ୍ୟବସାୟରେ କିପରି ଲାଭବାନ ହେବେ ସେନେଇ ଆଲୋଚନା ହୋଇଥିଲା । ଏହି କାର୍ଯ୍ୟକ୍ରମରେ ଶହେରୁ ଅଧିକ ପୁରାତନ ଛାତ୍ରଛାତ୍ରୀ ଓ ଧନ୍ଦାମୂଳକ ଛାତ୍ରଛାତ୍ରୀ ଯୋଗ ଦେଇଥିଲେ । ଏଥିରେ ଅଧ୍ୟାପକ ନରେନ୍ଦ୍ର ଦିଗାଲ, ବିରୂପାକ୍ଷ ତ୍ରିପାଠୀ, ଅମୁଲ୍ୟ ସାବତ, ବିରୂପାକ୍ଷ ମିଶ୍ର, ଶଙ୍କର ପାଢ଼ୀ, ସୁରଜ ସାସମଲ, ଜ୍ଞାନ ରଞ୍ଜନ ଭୋଇ, ଅଭୟ ପ୍ରଧାନ, ରତନ ଦିଗାଲ ଓ ସନ୍ତୋଷ ରଥ ଯୋଗଦେଇ ସହଯୋଗ କରିଥିଲେ ।
