ରିଆମାଳ,ଏନ୍ଏନ୍ଏସ୍: ରିଆମାଳ ବ୍ଲକ ଅନ୍ତର୍ଗତ କୀର୍ତ୍ତନପାଲି ଗ୍ରାମରେ ଆଜି ମୃତ ଅଙ୍ଗନବାଡ଼ି କର୍ମୀ ଗୀତାଞ୍ଜଳୀ ବେହେରାଙ୍କ ଏକାଦଶାହ କର୍ମରେ ଏକ ସ୍ମୃତି ଶୋଭା ଅନୁଷ୍ଠିତ ହୋଇଯାଇଛି । ଗତ ୨୯ ତାରିଖ ଦୁର୍ଘଟଣା ଯୋଗୁ ଗୀତାଞ୍ଜଳିଙ୍କ ଅକାଳ ବିୟୋଗ ହୋଇଥିଲା । ଉକ୍ତ କାର୍ଯ୍ୟକ୍ରମରେ ନାଉଲିପଡ଼ା ଓ ଲୁଲଙ୍ଗ ପଞ୍ଚାୟତର ସମସ୍ତ ଅଙ୍ଗନବାଡ଼ି କର୍ମୀଙ୍କ ସହ ବୁଦ୍ଧିଜୀବୀ ଓଗ୍ରାମାବସୀ ଯୋଗ ଦେଇଥିଲେ । ଗିତାଞ୍ଜଳୀ ଜଣେ କର୍ମଠ, ସଂଗଠକ ଓ ଜଣେ ଦକ୍ଷ ଅଙ୍ଗବାଡ଼ି କର୍ମୀ ଥିଲେ ବୋଲି ଉପସ୍ଥିତ ଅତିଥିବୃନ୍ଦ ପକାଶ କରିଥିଲେ । ରିଆମାଳ ବ୍ଲକ ଅଙ୍ଗନବାଡ଼ି କର୍ମୀ ସଂଗଠନ ପକ୍ଷରୁ ୧୪ ହଜାର ୫୦୦ ଟଙ୍କା ମୃତକଙ୍କ ପରିବାରକୁ ପ୍ରଦାନ କରାଯାଇଥିଲା । ରିଆମାଳ ବ୍ଲକ ଜଣେ ଦକ୍ଷ, ମେଳାପି ଅଙ୍ଗନବାଡ଼ି କର୍ମୀଙ୍କୁ ହରାଇଲା ବୋଲି ବ୍ଲକ ସଭାପତି ମୀରାବାଈ ଦଳବେହେରା କହିଛନ୍ତି ।
