ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ ଅନେକ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ । ଏଥିଲାଗି ଜୋରଦାର ପ୍ରସ୍ତୁତି ଜାରି ରଖିଥିବା ବିଜେପି ୪ ରାଜ୍ୟରେ ନୂଆ ଅଧ୍ୟକ୍ଷ ନିଯୁକ୍ତ କରିଛି । ଏହିକ୍ରମେ ତେଲେଙ୍ଗାନାର ବିଜେପି ପ୍ରଦେଶ ଅଧ୍ୟକ୍ଷ ରୂପେ ଜି କିଶନ ରେଡ୍ଡୀଙ୍କୁ ଚୟନ କରାଯାଇଥିବାବେଳେ ଆନ୍ଧ୍ରପ୍ରଦେଶ ଲାଗି ଡୀ.ପୂରନ୍ଦେଶ୍ୱରୀଙ୍କୁ ଦାୟିତ୍ୱ ଦିଆଯାଇଛି। ସେହିପରି ଝାଡ଼ଖଣ୍ଡ ପାଇଁ ପୂର୍ବତନ ମୁଖ୍ୟମନ୍ତ୍ରୀ ବାବୁଲାଲ ମାରାଣ୍ଡୀ ଓ ପଞ୍ଜାବ ଲାଗି ସୁନୀଲ ଜାଖଡଙ୍କୁ ନିଯୁକ୍ତ କରାଯାଇଛି।
