ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ଥାନା ଅଧିନସ୍ଥ କୁଇକେଡ଼ା ପଞ୍ଚାୟତ କମରଲଗା ନିକଟସ୍ଥ ରେଲୱେ ଲାଇନରେ ଜଣେ ମହିଳା ଆତ୍ମହତ୍ୟା କରିଥିବା ଜଣାପଡ଼ିଛି । ମୃତକ ଜଣକ ହେଲେ ସ୍ଥାନୀୟ ପଞ୍ଚାୟତର ପତ୍ରାପାଲି ଗାଁର ଗୀତାଞ୍ଜଳି ଭାଟି । ମିଳିଥିବା ରିପୋର୍ଟ ମୁତାବକ, ଗୀତାଞ୍ଜଳି କିଛି ବର୍ଷ ଆଗରୁ ମୁରିବାହାଲ ଥାନା ଅଧିନସ୍ଥ ଅତରଲା ଗାଁରେ ବିବାହ କରିଥିଲା । ପାରିବାରିକ କଳହରୁ ଗୀତାଞ୍ଜଳି ଆତ୍ମହତ୍ୟା କରିଥିବା ସନ୍ଦେହ କରାଯାଉଛି । ବଲାଙ୍ଗୀର ରେଲୱେ ପୁଲିସ ଆସି ଶବକୁ ଜବତ କରିବା ସହ ଘଟଣା ସମ୍ପର୍କରେ ଅଧିକ ତଦନ୍ତ ଜାରି ରଖିଛି ।
