ପାଟଣାଗଡ଼: ପାଟଣାଗଡ଼ ଥାନା ଅନ୍ତର୍ଗତ ଦଳଦଳି ଗ୍ରାମରେ ହିଲଡ଼ ଏନାର୍ଜୀ ନାମକ ଏକ ସୋଲାର ପ୍ରାଇଭେଟ କମ୍ପାନୀ କାମ କରୁଥିବାବେଳେ ସେହି କମ୍ପାନୀରେ ପାଟଣାଗଡ଼ ଓ ବେଳପଡା ଅଞ୍ଚଳର କିଛି ଯୁବକ ସିକୁରିଟି ଗାର୍ଡ ଭାବେ ଚାକିରି କରୁଥିଲେ। ଉକ୍ତ ସୋଲାର କମ୍ପାନୀରୁ ନିୟମିତ ଭାବେ ସୋଲାର ପାନେଲ ଚୋରି ହେଉଥିବା ଅଭିଯୋଗ କମ୍ପାନୀର ମାନେଜର ଜି ମଧୁସୂଦନ ରାଓ ପାଟଣାଗଡ଼ ଥାନାରେ ଅଭିଯୋଗ କରିଥିଲେ। ଅଭିଯୋଗ ପାଇବା ପରେ ଥାନା ଅଧିକାରୀ ଅନନ୍ତ ପ୍ରଧାନ ଏକ ଟିମ ଗଠନ କରି ଜାଣିବାକୁ ପାଇଲେ ଯେ ଖୁଟୁନାପାଣି ଗାର ପଦ୍ମଲୋଚନ ପୁଟା କମ୍ପାନିରେ କାମ କରୁଥିବା ସିକୁରିଟି ଗାର୍ଡ ଗୋବିନ୍ଦ ଠାକୁର ଟିକେଶ୍ୱର ପ୍ରଧାନ, ରଞ୍ଜିତ ଭୋଇ, ଲମ୍ବୋଦର ସିଂହ ମଝିରେ ମଝିରେ ସୋଲାର ପ୍ୟାନେଲ ଚୋରି କରି ବିକ୍ରି କରୁଥିବା ସୂଚନା ପାଇଥିଲେ।
ସୂଚନା ଅନୁଯାୟୀ ୨୮ଟି ପ୍ୟାନେଲ ଏକ ପିକ୍ଅପ୍ ଭ୍ୟାନରେ ଯାଉଥିବା ବେଳେ ପୁଲିସ ଗାଡି ସହ ସୋଲାର ପ୍ୟାନେଲକୁ ଜବତ କରିବା ସହ ଅଧିକ ତଦନ୍ତ କରି ସମ୍ପୂର୍କ୍ତ ୫ ଜଣଙ୍କୁ ଗିରଫ କରି କୋର୍ଟଚାଲାଣ କରିଛି। ଜବତ କରାଯାଇଥିବା ପ୍ୟାନେଲର ଆନୁମାନିକ ମୂଲ୍ୟ ୨ ଲକ୍ଷରୁ ଊର୍ଦ୍ଧ୍ବ ହେବ।
