ଗୁମାଗଡ଼,ଏନ୍ଏନ୍ଏସ୍: ଫୁଲବାଣୀ ସଦର ଅବକାରୀ ବିଭାଗ ଫୁଲବାଣୀ ବ୍ଲକ ବୁଢ଼ାଦାନୀ ଖେଳ ପଡ଼ିଆରେ ଚଢ଼ଉ କରି ଏକ କାରରୁ ୯୦କିଲୋ ଗଞ୍ଜେଇ ଜବତ କରିଛି । ଏହାସହ ବୌଦ୍ଧ ଜିଲ୍ଲା ଶଗଡ଼ା ପଞ୍ଚାୟତ ସେସ୍କାପଦର ଗ୍ରାମର ଅଙ୍ଗୁର କହଁରଙ୍କୁ ଗିରଫ କରିଛି । ମିଳିଥିବା ରିପୋର୍ଟ ମୁତାବକ, ଗଞ୍ଜେଇ ଚାଲାଣ ହେଉଥିବା ନେଇ ଅବକାରୀ ବିଭାଗକୁ ସୂଚନା ମିଳିଥିଲା । ପରେ ଅବକାରୀ ଅଧିକ୍ଷକ ପ୍ରବୀର କୁମାର ସାମଲଙ୍କ ନିର୍ଦ୍ଦେଶକ୍ରମେ ଓଆଇସି ଭବାନୀ ଶଙ୍କର ସେଠୀ ଓ ସାଗର ଭୋଇ ପ୍ରମୁଖ ଚଢ଼ଉ କରିଥିଲେ । ଚଢ଼ଉ ସମୟରେ ସେଠାରୁ ଆଉ ୩ଜଣ ଫେରାର ହୋଇଯିବାରେ ସକ୍ଷମ ହୋଇଥିଲେ । ଏନେଇ ଅବକାରୀ ବିଭାଗ ପକ୍ଷରୁ ଏକ ମାମଲା ରୁଜୁ ହୋଇଛି ।
