ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ବେଲଗାଁସ୍ଥିତ କଲ୍ୟାଣ ମଣ୍ଡପରେ ଆଜି ଏଚଏଲଏଫପିପିଟି ଅନୁଷ୍ଠାନ ଆନୁକୂଲ୍ୟରେ ଆନ୍ତର୍ଜାତୀୟ ମହିଳା ଦିବସ ଅନୁଷ୍ଠିତ ହେଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ମନ୍ତ୍ରୀ ଟୁକୁନି ସାହୁ ଯୋଗଦେଇ କାର୍ଯ୍ୟକ୍ରମର ଶୁଭ ଉଦଘାଟନ କରିଥିଲେ । ଡା. ଶ୍ରୀପତି ଦାସମହାପାତ୍ର ରାଜ୍ୟ ପ୍ରମୁଖ ଏମରାଇଟ, ରାଜେଶ କୁମାର ବେହେରା, ବେଳଗାଁ ଜିଲ୍ଲା ପରିଷଦ ରୀତା ରାଣୀ ହାତୀ ଓ ଜ୍ୟୋତି କୁମାର ରଥ ପ୍ରମୁଖ ସମ୍ମାନିତ ଅତିଥି ଭାବେ ଯୋଗ ଦେଇଥିଲେ । ମନ୍ତ୍ରୀ ଶ୍ରୀମତୀ ସାହୁ ମହିଳାଙ୍କ ସମାଜ ଗଠନ ପ୍ରତି ଭୂମିକା ଓ ତାଙ୍କର ଯୋଗଦାନ ଉପରେ ଆଲୋକପାତ କରି ମହିଳାମାନେ ସୁସ୍ଥ ସମାଜ ଗଠନର କର୍ଣ୍ଣଧାର ବୋଲି ନିଜର ମତ ରଖିଥିଲେ । ଆଗାମୀ ଦିନରେ ମଧ୍ୟ ଗ୍ରାମ ତଥା ସହରର ପ୍ରତ୍ୟେକ ମହିଳା କେମିତି ଆଗକୁ ବଢ଼ିପାରିବେ ତା’ ବିଷୟରେ ସମାଜର ପ୍ରତ୍ୟେକ ମହିଳାଙ୍କୁ ମନ୍ତ୍ରୀ ଆହ୍ୱାନ ଦେଇଥିଲେ । ଡାକ୍ତର ଶ୍ରୀପତି ଦାସମହାପାତ୍ର ସାରା ଓଡ଼ିଶାରେ ଚାଲିଥିବା ଏମ ରାଇଟ ପ୍ରୋଗ୍ରାମ ଉପରେ କହିଥିଲେ ଓ ଏଥିରେ ମହିଳାଙ୍କ ଯୋଗଦାନ ଯଥା ପ୍ରତ୍ୟେକ ଆଶା କର୍ମୀ, ଅଙ୍ଗନବାଡି, ମହିଳା ସମୂହ ଡା. ଅନ୍ୟାନ୍ୟ ମହିଳାଙ୍କ ଯୋଗଦାନକୁ ପ୍ରଶଂସା କରିଥିଲେ । ଏହି ଅବସରରେ ମହିଳାଙ୍କ ସମ୍ମାନର ଉଦ୍ଦେଶ୍ୟରେ ଆନ୍ତର୍ଜାତୀୟ ମହିଳା ଦିବସ ପାଳନ ହେଉଥିବାବେଳେ ସମ୍ପ୍ରତି କୋଭିଡ ମହାମାରୀ ସମୟରେ ଅକ୍ଳାନ୍ତ ପରିଶ୍ରମ କରି ଲୋକଙ୍କ ପାଖରେ କୋଭିଡ ବାର୍ତ୍ତା ପହଞ୍ଚାଇବା ଓ ସେମାନଙ୍କୁ ଟୀକାକାରଣ କରେଇଥିବା ମହିଳାଙ୍କୁ ଅତିଥିଗଣଙ୍କ ଦ୍ୱାରା ସମ୍ମାନିତ କରଯାଇଥିଲା । କାର୍ଯ୍ୟକ୍ରମରେ ୧୦ଜଣ ମହିଳାଙ୍କୁ ସମ୍ମାନିତ କରାଯାଇଥିଲା । ବଲାଙ୍ଗୀର ଜିଲ୍ଲା ପ୍ରଭାରୀ ରିତେଶ ରଞ୍ଜନ ସାହୁ, ବ୍ଲକ ପ୍ରଭାରୀ ସଞ୍ଜୟ ନାଗ ଓ ସମସ୍ତ ଏମ ରାଇଟ ଏଚଏଲଏଫପିପିଟି କାର୍ଯ୍ୟକର୍ତ୍ତା କାର୍ଯ୍ୟକ୍ରମରେ ଯୋଗ ଦେଇଥିଲେ।
