ପାଟଣାଗଡ଼,ଏନ୍ଏନ୍ଏସ୍: ପାଟଣାଗଡ଼ ଜନଗହଳି ପୂର୍ଣ୍ଣ ବ୍ଲକ ଛକରେ ଥିବା ପାଟଣାଗଡ଼ -ପଦ୍ମପୁର ରାସ୍ତାରେ ବାରମ୍ବାର ଗାତ ସୃଷ୍ଟି ହେଉଥିବାବେଳେ ଏହାର କୌଣସି ପ୍ରକାର ସ୍ଥାୟୀ ସମାଧାନ ପ୍ରଶାସନ କରୁନଥିବାରୁ ଜନ ଅସନ୍ତୋଷ ପ୍ରକାଶ ପାଇଛି । ପ୍ରତିଦିନ ଅନେକ ଲୋକ ନିଜ କାମ ପାଇଁ ବ୍ଲକ ଓ ବ୍ୟାଙ୍କକୁ ଆସୁଥିବାବେଳେ ନାନା ପ୍ରକାର ଅସୁବିଧା ଦେଖିବାକୁ ମିଳୁଛି । ଏହି ରାସ୍ତାରେ ପ୍ରତିଦିନ ସହସ୍ରାଧିକ ଗାଡ଼ି ଯା’ଆସ କରୁଥିବାରୁ ବଡ଼ ବଡ଼ ଗାତ ହୋଇ କୃତ୍ରିମ ପୋଖରୀ ଭଳି ଲାଗୁଛି । ତେଣୁ ପ୍ରଶାସନ ତୁରନ୍ତ ସମାଧାନ କରିବା ପାଇଁ ଜନସାଧାରଣରେ ଦାବୀ ହେଉଛି ।
