ଦେବଗଡ଼,ଏନ୍ଏନ୍ଏସ୍: ଦେବଗଡ଼ ପୁଲିସକୁ ବଡ଼ ସଫଳତା। ଦେବଗଡ଼ରୁ ଅପହୃତା ଅପହୃତା ନାବାଳିକାକୁ ଝାରଖଣ୍ଡ ରାଞ୍ଚିରୁ ଉଦ୍ଧାର କରିଛି ଦେବଗଡ଼ ଥାନା ପୁଲିସ। ସୂଚନା ଅନୁଯାୟୀ ଗତ ୨୧ ତାରିଖ ଅପରାହ୍ନରେ ସ୍କୁଲରୁ ଫେରିବା ବାଟରେ ଜଣେ ନବମ ଶ୍ରେଣୀ ଛାତ୍ରୀଙ୍କୁ ଅପହରଣ କରାଯାଇଥିବା ନେଇ ନାବାଳିକା ଛାତ୍ରୀର ପରିବାର ଲୋକେ ଦେବଗଡ଼ ଥାନାରେ ଲିଖିତ ଅଭିଯୋଗ କରିଥିଲେ।
ଅଭିଯୋଗ ଆଧାରରେ ଦେବଗଡ଼ ଥାନା ପୁଲିସ ଏକ ଅପହରଣ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିବା ବେଳେ ତଦନ୍ତ କାରି ଅଧିକାରୀ ରୁଦ୍ରନାରାୟଣ ପ୍ରଧାନଙ୍କ ନେତୃତ୍ୱରେ ଏକ ସ୍ୱତନ୍ତ୍ର ଦଳ ଅପହୃତା ରାଞ୍ଚିରେ ଥିବା ଜାଣି ସେଠାକୁ ଯାଇ ବିଭିନ୍ନ ସ୍ଥାନରେ ଚଢ଼ଉ କରିଥିଲେ। ଶେଷରେ ରାଞ୍ଚି ଗୋନ୍ଦା ଥାନା ଅନ୍ତର୍ଗତ ମିଶନ ଗଳିର ଏକ ଘରୁ ଅପହୃତା ନାବାଳିକାକୁ ଉଦ୍ଧାର କରିବା ସହ ଅପହରଣକାରୀ ଯୁବକ ବିକି ପୁରାନକୁ ଗିରଫ କରି ଦେବଗଡ଼ ଥାନାକୁ ଆଣାଯାଇଥିବା ଜଣାପଡ଼ିଛି।
