ବ୍ୟବସାୟୀ ମୁକେଶ ଅମ୍ବାନୀଙ୍କ ସାନ ପୁଅ ଅନନ୍ତ ଅମ୍ବାନୀଙ୍କ ନିର୍ବନ୍ଧ ଶେଷ ହୋଇଛି । ଅନନ୍ତ ତାଙ୍କ ପିଲାଦିନ ସାଙ୍ଗ ରାଧିକା ମର୍ଚ୍ଚେଣ୍ଟଙ୍କ ସହ ରାଜସ୍ଥାନର ଶ୍ରୀନାଥଜୀ ମନ୍ଦିରରେ ନିର୍ବନ୍ଧ ବନ୍ଧନରେ ବାନ୍ଧି ହୋଇଛନ୍ତି । କିନ୍ତୁ ଅନନ୍ତ ଓ ରାଧିକାଙ୍କ ବିବାହ କେବେ ହେବ ସେନେଇ କୌଣସି ସୂଚନା ମିଳିନାହିଁ । ନିର୍ବନ୍ଧର ପ୍ରଥମ ଫଟୋ ମଧ୍ୟ ସାମ୍ନାକୁ ଆସିଛି ଯେଉଁଥିରେ ରାଧିକା ଖୁବ୍ ସୁନ୍ଦର ଦିଶୁଛନ୍ତି ।
ସୂଚନାଯୋଗ୍ୟ, ରାଧିକା ମର୍ଚ୍ଚେଣ୍ଟ ମୁମ୍ବାଇରେ ସ୍କୁଲ ପାଠପଢ଼ା ସାରି ନ୍ୟୁୟର୍କରେ ଗ୍ରାଜୁଏସନ ଶେଷ କରିଥିଲେ । ୨୦୧୭ରେ ଗ୍ରାଜୁଏସନ ସରିବା ପରେ ଇସପ୍ରାବାରେ ସେଲ୍ସ ଏକଜିକ୍ୟୁଟିଭ ରୂପେ କାମ କରିଥିଲେ । ଅମ୍ବାନୀ ପରିବାରର ସାନବୋହୂ ହେବାକୁ ଯାଉଥିବା ରାଧିକା ଜଣେ ପ୍ରଶିକ୍ଷିତ ଶାସ୍ତ୍ରୀୟ ନୃତ୍ୟାଙ୍ଗନା । ରାଧିକା ପ୍ରାୟତଃ ଅମ୍ବାନୀ ପରିବାରର ସମସ୍ତ ଫଙ୍କସନରେ ନଜର ଆସିଥାନ୍ତି ।
