ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଶିଷକେଲା ଖେଳ ପଡ଼ିଆରେ ସ୍ଥାନୀୟ ସରପଞ୍ଚ ମାଲତୀ ରଣାଙ୍କ ଅଧ୍ୟକ୍ଷତାରେ ଫୁଟବଲ ଓ ଖୋଖୋ ଚୟନ ଶିବିର ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ବେଳଗାଁ ଜିଲ୍ଲା ପରିଷଦ ରିତା ରାଣୀ ହାତୀ ଯୋଗ ଦେଇଥିବାବେଳେ ବ୍ଲକ ଉପାଧ୍ୟକ୍ଷ ଗୁଣ ସାଗର ମାଝୀ, ସମିତି ସଭ୍ୟ ଉମାକାନ୍ତ ରଣା, ଏବିଓ ନାରାୟଣ ଭୋଇ, କଅସ ସରପଞ୍ଚଙ୍କ ପ୍ରତିନିଧି ହେମନ୍ତ ସାହୁ, ଶିଷକେଲା କାର୍ଯ୍ୟନିର୍ବାହୀ ଅଧିକାରୀ ଦୁଃଖବନ୍ଧୁ ରଣା ଓ କଅସର କାର୍ଯ୍ୟନିର୍ବାହୀ ଅଧିକାରୀ ଶରତ ସାହୁ ପ୍ରମୁଖ ସମ୍ମାନିତ ଅତିଥିଭାବେ ଉପସ୍ଥିତ ଥିଲେ । ବେଳଗାଁ ଜୋନର ବିଭିନ୍ନ ସ୍କୁଲକୁ ନେଇ ଏହି ଖେଳ ପ୍ରତିଯୋଗିତା ଅନୁଷ୍ଠିତ ହୋଇଥିବାବେଳେ ଶେଷରେ ଖେଳ ଶିକ୍ଷକ ଶେଷଦେବ ବାରିକ ଧନ୍ୟବାଦ ଦେଇଥିଲେ ।
