ବରଗଡ଼,ଏନ୍ଏନ୍ଏସ୍: ବରଗଡ଼ ଜିଲ୍ଲାର ଅଗ୍ରଣୀ ମହିଳା ସ୍ୱେଚ୍ଛାସେବୀ ସଂଗଠନ ଭାବେ ପରିଚିତ ଇନରହ୍ୱିଲ କ୍ଲବ ଅଫ ବରଗଡ଼ ପକ୍ଷରୁ ନିୟମିତ ବ୍ୟବଧାନରେ ଅନେକ ଗୁଡ଼ିଏ ସାମାଜିକ କାର୍ଯ୍ୟ ହାତକୁ ନିଆଯାଇଥାଏ । ଏହି କ୍ରମରେ ବରଗଡ଼ ଘୁଲିପାଲିର ରିନା ମହାକୁଡ଼ ନାମକ ଜଣେ ମହିଳାଙ୍କୁ ସ୍ୱାବଲମ୍ବୀ କରିବା ଉଦ୍ଦେଶ୍ୟରେ ସିଲେଇ ମେସିନ ସହିତ ଅତ୍ୟାଧୁନିକ ପିକୋ ମେସିନ ପ୍ରଦାନ କରାଯାଇଛି । ପୂର୍ବତନ ଡିଷ୍ଟ୍ରିକ ଚେୟାରମ୍ୟାନ ମମତା ପୁରୋହିତଙ୍କ ତତ୍ତ୍ୱାବଧାନରେ ଏଥିପାଇଁ ଏକ ସ୍ୱତନ୍ତ୍ର ଉତ୍ସବ ଅନୁଷ୍ଠିତ ହୋଇଥିଲା । ଏଥିରେ ଇନରହ୍ୱିଲ କ୍ଲବ ଅଫ ବରଗଡ଼ର ସଭାନେତ୍ରୀ ସୁମନ ଅଗ୍ରୱାଲ, ପୂର୍ବତନ ସଭାନେତ୍ରୀ ବୁଲବୁଲ ଜିନ୍ଦଲ ଓ ବରିଷ୍ଠ ସଦସ୍ୟା ପ୍ରେମା ଅଗ୍ରୱାଲ ପ୍ରମୁଖ ଉପସ୍ଥିତ ରହି ମେସିନ ପ୍ରଦାନ କରିଥିଲେ ।
