ରିଆମାଳ,ଏନ୍ଏନ୍ଏନ୍: ରିଆମାଳ ଫରେଷ୍ଟ ରେଞ୍ଜ କୁଣ୍ଢେଇଗୋଳା ସେକ୍ସନ ଚଢ଼େଇମରା ପଞ୍ଚାୟତ ଅନ୍ତର୍ଗତ ଖିଲୋବେର୍ଣ୍ଣୀ ଗ୍ରାମ ନିକଟରେ ଥିବା ଏକ କମଳା ବଗିଚା କଡ଼ରେ ଏକ ମାଈ ହାତୀର ମୃତ୍ୟୁ ହୋଇଛି । ମିଳିଥିବା ରିପୋର୍ଟ ମୁତାବକ,ରାତି ୨ଟା ବେଳେ ୧୭ରୁ ୧୮ଟି ହାତୀ ଏକ ସଙ୍ଗେ ଆସିଥିଲେ । ହେଲେ ପାଣି ମଡ଼ାଇବା ପାଇଁ କମଳା ବଗିଚାରେ ବିଦ୍ୟୁତ ଟଣା ହୋଇଥିବାରୁ ଏହା ସଂସ୍ପର୍ଶରେ ଆସି ମାଈ ହାତୀଟି ମରିଥିବା ଗ୍ରାମବାସୀ କହିଛନ୍ତି । ସାଥୀରେ ଥିବା ଅନ୍ୟ ହାତୀମାନେ ମୃତ ହାତୀକୁ ଜଗି ରହିଛନ୍ତି । ଏନେଇ ଜାଣିବା ପରେ ଗ୍ରାମବାସୀ ବନ ବିଭାଗକୁ ଖବର ଦେଇଥିବା ଜଣାପଡ଼ିଛି ।
