ରାମନାଗୁଡ଼ା,ଏନ୍ଏନ୍ଏସ୍: ରାୟଗଡ଼ା ଜିଲ୍ଲା ରାମନାଗୁଡ଼ା ବ୍ଲକ ଅଧିନସ୍ଥ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ସମସ୍ତ ଭିନ୍ନକ୍ଷମ ପିଲାଙ୍କୁ ନେଇ ବିଶ୍ୱ ଭିନ୍ନକ୍ଷମ ଦିବସ ପାଳିତ ହୋଇଯାଇଛି । ଏହି କାର୍ଯ୍ୟକ୍ରମରେ ରାମନାଗୁଡ଼ା ଗୋଷ୍ଠୀ ଶିକ୍ଷାଧିକାରୀ ସୂଜନ ମଲ୍ଲିକ, ଅତିରିକ୍ତ ଗୋଷ୍ଠୀ ଶିକ୍ଷାଧିକାରୀ ଦାମୋଦର ହିମିରିକା, ଭିନ୍ନକ୍ଷମ ସଂଯୋଜିକା ଲକ୍ଷ୍ମୀ ପ୍ରାଣିଗ୍ରାହୀ, ବିଦ୍ୟାଳୟ ପ୍ରଧାନଶିକ୍ଷକ ବସନ୍ତ ପ୍ରାଣିଗ୍ରାହୀ, ୧୧ଟି ସାଧନକେନ୍ଦ୍ରର ସଂଯୋଜକ ଓ ସମସ୍ତ ବିଦ୍ୟାଳୟର ଶିକ୍ଷକ ଶିକ୍ଷୟତ୍ରୀ ଉପସ୍ଥିତ ଥିଲେ । ଏହି ଅବସରରେ ଭିନ୍ନକ୍ଷମ ଛାତ୍ରଛାତ୍ରୀଙ୍କ ନିମନ୍ତେ ସଂଗୀତ, ଚିତ୍ରାଙ୍କନ ଓ ମ୍ୟୁଜିକାଲ ଚେୟାର ଆଦି ବିଭିନ୍ନ ପ୍ରକାରର ଖେଳ ଆୟୋଜନ କରାଯାଇଥିଲା । ଏହି ପ୍ରତିଯୋଗିତାରେ କୃତିତ୍ୱ ହାସଲ କରିଥିବା ପ୍ରତିଯୋଗୀଙ୍କୁ ଅତିଥିଙ୍କ ଦ୍ୱାରା ପୁରସ୍କୃତ କରାଯାଇଥିଲା । ଏହି କାର୍ଯ୍ୟକ୍ରମକୁ ଅଶ୍ୱିନୀ ତ୍ରିପାଠୀ ପରିଚାଳନା କରିଥିବାବେଳେ ରମେଶ ଚନ୍ଦ୍ର ମିଶ୍ର, ଭୈରବ ରଥ, ଶରତ ନେମାଲପୁରୀ, ଗଦାଧର ତ୍ରିପାଠୀ, କୃଷ୍ଣ ପଟ୍ଟନାୟକ ଓ ଜେ ନାଗରାଜୁ ପ୍ରମୁଖ ସହଯୋଗ କରିଥିଲେ । ଶେଷରେ ସୈମ୍ୟା, ଉର୍ମିଳା ଓ ସୁଚରିତା ଧନ୍ୟବାଦ ଦେଇଥିଲେ ।
