ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଘୁନସର ଶ୍ରୀ ଅରବିନ୍ଦ ଯୁବକ ସଂଘ ଆନୁକୂଲ୍ୟରେ ସ୍ଥାନୀୟ ହାଇସ୍କୁଲ, ଡାକ୍ତରଖାନା ଓ ଯୁକ୍ତ ଦୁଇ କଲେଜରେ ସଂଘର ସଭାପତି ପ୍ରେମାନନ୍ଦ ବାଗଙ୍କ ଅଧ୍ୟକ୍ଷତାରେ ସଫେଇ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି ଅବସରରେ ଗାଁ ସଫା କଲେ ପରିବେଶ ସୁନ୍ଦର ଦେଖାଯିବା ସାଙ୍ଗକୁ ରୋଗମୁକ୍ତ ହୋଇପାରିବ ବୋଲି ଛାତ୍ରଛାତ୍ରୀଙ୍କୁ ସଚେତନ କରାଯାଇ ଥିଲା । ଏହି କାର୍ଯ୍ୟକ୍ରମରେ ସଂଘର ସମ୍ପାଦକ ମନୋଜ ସାହୁ, ପ୍ରଧାନଶିକ୍ଷକ ଅଭିମନ୍ୟୁ ସାହୁ, ସ୍ଥାନୀୟ ନାଏବ ସରପଞ୍ଚ ଦେବରାଜ ପ୍ରଧାନ, ରବିଚନ୍ଦ୍ର ନାୟକ, ସୁନିଲ ଗହୀର, ଲାଲୁ ରଣା, ମୁନା ରଣା, ପ୍ରମୋଦ କୁମ୍ଭାର, ସିଧୁ ରଣା, ଜ୍ୟୋତି ରଣା ଓ ଦୀପକ ମାଝୀ ପ୍ରମୁଖ ସହଯୋଗ କରିଥିଲେ । ଶେଷରେ ସାମ୍ବାଦିକ ଅଜିତ କୁମାର ସାହୁ ଧନ୍ୟବାଦ ଦେଇଥିଲେ ।
