ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗୀର ଜିଲ୍ଲା ସଇଁନ୍ତଲା ବ୍ଲକ ଆମ୍ବପାଲି ପଞ୍ଚାୟତ ଉଚ୍ଚବିଦ୍ୟାଳୟ ପରିସରରେ ଆଜି ପ୍ରଧାନଶିକ୍ଷକ ବିଜୟ କୁମାର ବାଗଙ୍କ ଅଧ୍ୟକ୍ଷତାରେ ଶିଶୁ ଦିବସ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ସହକାରୀ ଶିକ୍ଷକ ସୁଶୀଲ ଭୋଇ, ଛନ୍ଦା ଚରଣ ସୁନା, ରାଜ କିଶୋର କୁଅଁର, କ୍ଷେତ୍ର ମେହେର, ଖେଳ ଶିକ୍ଷକ ରାଜ ବିହାରୀ ବନଛୋର, ପର୍ଶୁରାମ ପୁଟେଲ, ବୈଚନ୍ଦ୍ର ମହାନନ୍ଦ, ଗନ୍ଧର୍ବ ଗହୀର ଓ ଦେବରାଜ ଭୋଇ ସମେତ ଛାତ୍ରଛାତ୍ରୀମାନେ ଉପସ୍ଥିତ ଥିଲେ । ଏହି ଅବସରରେ ଶିକ୍ଷା ଉପରେ ଗୁରୁତ୍ୱ ଦେବା ଏବଂ ପରିଶ୍ରମ କରି ନିଜେ କିଭଳି ଭାବେ ଆଗକୁ ବଢ଼ିବା ସେନେଇ ଉପସ୍ଥିତ ଅତିଥିବୃନ୍ଦ ମତବ୍ୟକ୍ତ କରିଥିଲେ ।
ସେହିପରି ସଇଁନ୍ତଲା ବାଳିକା ବିଦ୍ୟାଳୟରେ ପ୍ରଧାନଶିକ୍ଷକ ଭୀମସେନ ଦେଉରୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମରେ ଜ୍ୟୋତ୍ସ୍ନାମୟୀ ତ୍ରିପାଠୀ, ରଞ୍ଜିତା ମିଶ୍ର, ନିପନ ନାୟକ, ବ୍ରହ୍ମା ଭୋଇ, ସନ୍ଧ୍ୟା ରାଣୀ ମିଶ୍ର, ପଦ୍ମଲୟା ତ୍ରିପାଠୀ ଓ ବୀଣାପାଣି ନନ୍ଦ ପ୍ରମୁଖ ଉପସ୍ଥିତ ଥିଲେ । ପ୍ରଧାନଆଚାର୍ଯ୍ୟ ସରୋଜ କୁମାର ଦାସଙ୍କ ଅଧ୍ୟକ୍ଷତାରେ ସ୍ଥାନୀୟ ସରସ୍ୱତୀ ଶିଶୁ ବିଦ୍ୟାମନ୍ଦିର ବଡ଼ମାଲରେ ଶିଶୁ ଦିବସ ପାଳିତ ହୋଇଯାଇଛି । ଆଚାର୍ଯ୍ୟ ଜିତେନ୍ଦ୍ରିୟ ସାହୁ ଦୀପ ପ୍ରଜ୍ୱଳନ କରିଥିବାବେଳେ ଆଚାର୍ଯ୍ୟ ଚୂଡ଼ାମଣି ମହାଲିଙ୍ଗ ମଞ୍ଚ ପରିଚାଳନା କରିଥିଲେ । ଏହି କାର୍ଯ୍ୟକ୍ରମରେ ଛାତ୍ରଛାତ୍ରୀଙ୍କୁ ନେଇ ନୃତ୍ୟ ଓ ସଙ୍ଗୀତ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ନୃତ୍ୟରେ ଦଶମ ଶ୍ରେଣୀର ସୁଶ୍ରୀ ଆୟୁଷୀ ମିଶ୍ର ପ୍ରଥମ, ସୁଶ୍ରୀ ପଲିତା ବଗର୍ତ୍ତି ଓ ସୁଶ୍ରୀ ବବିତା ବଗର୍ତ୍ତି ଯୁଗ୍ମ ଭାବେ ଦ୍ୱିତୀୟ, ଅଷ୍ଟମ ଶ୍ରେଣୀର ସୁଶ୍ରୀ ବନ୍ଦିତା ସ୍ୱାଇଁ ଓ ସୃତିରାଣି ପଟେଲ ତୃତୀୟ ହୋଇଥିଲେ । ସଙ୍ଗୀତରେ ଅଷ୍ଟମ ଶ୍ରେଣୀର ସୁଶ୍ରୀ ଡଲି ବଗର୍ତ୍ତି ପ୍ରଥମ, ଷଷ୍ଠ ଶ୍ରେଣୀର ଶ୍ରୀମାନ ଅଖିଳେଶ ବେହେରା ଦ୍ୱିତୀୟ ଓ ଷଷ୍ଠ ଶ୍ରେଣୀର ସୁଶ୍ରୀ ଲିପ୍ସା ମିଶ୍ର ତୃତୀୟ ପୁରସ୍କାର ପାଇଥିଲେ । ବିଦ୍ୟାଳୟର ବରିଷ୍ଠ ଆଚାର୍ଯ୍ୟ ପ୍ରମୋଦ କୁମାର ସ୍ୱାଇଁ ଧନ୍ୟବାଦ ଅର୍ପଣ କରିଥିଲେ ।
