ଭୁବନେଶ୍ବର,ଏନ୍ଏନ୍ଏସ୍: ବେଆଇନ ଦେଶୀ ମଦ ବିକ୍ରି ଅଭିଯୋଗରେ ଜଣେ ଗିରଫ୍। ଗତକାଲି ଇନ୍ଫୋଭ୍ୟାଲି ଥାନା ପୁଲିସ ନିମ୍ନୋକ୍ତ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛନ୍ତି। ଏହି ମାମଲାର ଅଧିକ ତଦନ୍ତ ଚାଲୁ ରହିଛି। ଗିରଫ ଅଭିଯୁକ୍ତ ଜଣଙ୍କ ହେଲେ ଖୋର୍ଦ୍ଧା ଜିଲ୍ଲା ଇନଫୋ ଭ୍ୟାଲି ଅଞ୍ଚଳର ପ୍ରଭାସ ସାମନ୍ତସିଂହାର(୬୦)।
ସୂଚନାଯୋଗ୍ୟ ଯେ, ଗତକାଲି ଇନ୍ଫୋ ଭ୍ୟାଲି ଥାନା ପୁଲିସ ଥାନା ପରିସରଭୁକ୍ତ ଅଞ୍ଚଳରେ ପାଟ୍ରୋଲିଂ କରୁଥିବା ସମୟରେ ବିଶେଷ ସୂତ୍ରରୁ ଖବର ଜାଣିବାକୁ ପାଇଥିଲେ। ନିମ୍ନୋକ୍ତ ଅଭିଯୁକ୍ତ ଜଣକ ଇନ୍ଫୋଭ୍ୟାଲି ଥାନା ଅନ୍ତର୍ଗତ ଦୁର୍ଗାପୁର ଗାଁ’ରେ ବେଆଇନ ଭବରେ ସାଧାରଣରେ ଦେଶୀ ମଦ ବିକ୍ରୟ କରୁଛନ୍ତି। ଏହି ଖବର ପାଇବା ପରେ ପୁଲିସ ତୁରନ୍ତ ଉକ୍ତ ସ୍ଥାନକୁ ଯାଇ ଅଭିଯୁକ୍ତକୁ କାବୁ କରିଥିଲେ ଏବଂ ତାର ହେପାଜତରୁ ୧୨ ଲିଟର ଦେଶୀ ମଦ ଜବତ କରିଥିଲେ। ପଚରା ଉଚରା ସମୟରେ ଅଭିଯୁକ୍ତ ଜଣକ ଉକ୍ତ ମଦ ବିକ୍ରୟ ନେଇ କୌଣସି ବୈଧ ପ୍ରାମାଣପତ୍ର ଦେଖାଇ ପାରିନଥିବାରୁ ଅଧିକ ତଦନ୍ତ ପାଇଁ ଅଭିଯୁକ୍ତକୁ ଥାନାକୁ ଆଣିଥିଲେ। ତଦନ୍ତ ସମୟରେ ଅଭିଯୁକ୍ତ ନିଜ ଦୋଷ ସ୍ଵୀକାର କରିଥିବାରୁ ଆଜି ତାଙ୍କୁ କୋର୍ଟ ଚାଲାଣ କରଯାଇଛି।
