ସଇଁନ୍ତଲା,ଏନ୍ଏନ୍ଏସ୍: ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ କୁମ୍ଭାରୀ ସମବାୟ ସମିତିରେ ହେବାକୁ ଯାଉଥିବା ପେକ୍ସ ସଭାପତି ନିର୍ବାଚନ ପାଇଁ ଆଜି ନାମାଙ୍କନ ଦାଖଲ ପ୍ରକ୍ରିୟା ଅନୁଷ୍ଠିତ ହୋଇଯାଇଛି । ନିର୍ବାଚନୀ ଅଧିକାରୀ ଭାବେ କୃଷି ବିଭାଗ କର୍ମଚାରୀ ବରଜ ବିଡ଼ିକା ଦାୟିତ୍ୱ ନେଇଥିବା ବେଳେ ନାମାଙ୍କନ ଦାଖଲରେ ରାଜକିଶୋର ସାହୁ ଜଣେ ମାତ୍ର ପ୍ରତିଦ୍ୱନ୍ଦୀ ଭାବେ ନାମାଙ୍କନ ଦାଖଲ କରିଥିବା ବେଳେ ଉଲାସ ବିଭାର ପ୍ରସ୍ତାବକ ଭାବେ ଉପସ୍ଥିତ ଥିଲେ । ଏହାର ଫଳାଫଳ ଅଗାମୀ ୧୩ ତାରିଖ ଦିନ ବିଧିବଦ୍ଧ ଭାବେ ଘୋଷଣା କରାଯିବ ବୋଲି ନିର୍ବାଚନ ଦାୟିତ୍ୱରେ ଥିବା ଅଧିକାରୀ ଶ୍ରୀ ବିଡ଼ିକା କହିଛନ୍ତି । ସେହିପରି ସଇଁନ୍ତଲାର ଅନ୍ୟାନ୍ୟ ପେକ୍ସରେ ମଧ୍ୟ ଆଜି ନାମାଙ୍କନ ଦାଖଲ ପ୍ରକ୍ରିୟା ଶେଷ ହୋଇଛି।
