ନୂଆଦିଲ୍ଲୀ: ପୂର୍ବ ଲଦାଖର ବିବାଦିତ ପେଙ୍ଗୋଙ୍ଗ ହ୍ରଦରେ ଚୀନ ଦ୍ୱିତୀୟ ପୋଲର ନିର୍ମାଣ କାର୍ଯ୍ୟ ଆରମ୍ଭ କରିଦେଇଛି । ଏନେଇ ଔପନ ସୋର୍ସ ଇଣ୍ଟେଲିଜେନ୍ସ ଡେଡ୍ରୋସ୍ଫା ସେଟଲାଇ ଫଟୋ ଜରିଆରେ ଖୁଲାସା କରିଛି । ଏହି ପୋଲର ନିର୍ମାଣ ବି ପୂର୍ବ ପୋଲ ପରି ଚୀନ ଅଧିକୃତ ହ୍ରଦରେ କରିଛି । କିନ୍ତୁ ଉକ୍ତ ପୋଲଟି ଭାରତ ପାଖରେ ଥିବା ଏଲଏସିର ଖୁବ୍ ନିକଟତର ହୋଇଥିବାରୁ ଏହା ଚିନ୍ତା ବଢ଼ାଇଛି ।
ଅନ୍ୟପଟେ ଚୀନ ଦ୍ୱାରା ପ୍ରସ୍ତୁତ ହେଉଥିବା ଏହି ଦ୍ୱିତୀୟ ପୋଲକୁ ନେଇ ଭାରତ ପକ୍ଷରୁ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ସାମ୍ନାକୁ ଆସିନାହିଁ । ଚୀନର ପୀଏଲଏ ସେନା ଯା’ଆସ ପାଇଁ ଭିନ୍ନ ଭିନ୍ନ ପୋଲ ନିର୍ମାଣ କରୁଥିବା ଅନୁମାନ କରାଯାଉଛି । କିମ୍ବା ଗୋଟିଏ ପୋଲ ଚାଲିକି ଯିବା ପାଇଁ ଏବଂ ଅନ୍ୟଟି ଟ୍ୟାଙ୍କ, ଆର୍ମଡ ପର୍ସନାଲ କ୍ୟାରିୟର ଓ ମିଲିଟ୍ରି ଗାଡ଼ି ପାଇଁ ନିର୍ମାଣ କରାଯାଉ ଥାଇପାରେ ବୋଲି କୁହାଯାଉଛି ।
