କରାଚୀ,ଏଜେନ୍ସି: ପାକିସ୍ତାନର କରାଚୀରେ ଗୁରୁବାର ବିଳମ୍ବିତ ରାତିରେ ବୋମା ବିସ୍ଫୋରଣ ହୋଇଛି। ଏହି ଆତ୍ମଘାତୀ ବିସ୍ଫୋରଣରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଛି। ବିସ୍ଫୋରଣରେ ଆହତ ୧୩ ଜଣଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। କିନ୍ତି ବିସ୍ଫୋରଣ ଭୟଙ୍କର ଥିବାରୁ ଏକାଧିକ ଗାଡ଼ି କ୍ଷତିଗ୍ରସ୍ତ ହୋଇଛି। ପୁଲିସ କହିବା ଅନୁସାରେ ବୋମା ଏକ ଡଷ୍ଟବିନ୍ ଭିତରେ ଥିଲା।
ବୋମା ବିସ୍ଫୋରଣ ପରେ ପୋଲିସ କହିଛି ଯେ, ଘଟଣା କରାଚୀର ସଦର ଅଞ୍ଚଳରେ ଘଟିଛି। ଏହି କାରଣରୁ ଆଖପାଖ ଅଞ୍ଚଳରେ ନିଆଁ ଲାଗିଛି। ଘଟଣାସ୍ଥଳରେ ଲୋକମାନଙ୍କ ମଧ୍ୟରେ ଭୟ ସୃଷ୍ଟି ହୋଇଛି। ଲୋକେ ପ୍ରାଣ ବଞ୍ଚାଇବା ପାଇଁ ଏଣେତେଣେ ପଳାୟନ କରିଛନ୍ତି।
ବିସ୍ଫୋରଣ ଭୟଙ୍କର ଥିଲା। ଏହା ବହୁ ଦୂରକୁ ଶୁଣାଯାଇ ଥିଲା। ଏଥି ସହିତ ଆଖପାଖର ଘରେ ଲାଗିଥିବା କାଚ ମଧ୍ୟ ଭାଙ୍ଗି ଯାଇଥିଲା। କରାଚୀ ଡିଆଇଜି (ଦକ୍ଷିଣ)ଙ୍କ କହିବା ନଅୁସାରେ ବିସ୍ଫୋରଣରେ ଅନେକ ଲୋକ ଆହତ ହୋଇଛନ୍ତି। ଆହତମାନଙ୍କୁ ଜିନ୍ନା ହସ୍ପିଟାଲରେ ଭର୍ତ୍ତି କରାଯାଇଛି। ବିସ୍ଫୋରଣର ସିସିଟିଭି ଫୁଟେଜ ମଧ୍ୟ ଆସିଯାଇଛି।
