ଶ୍ରୀନଗର,ଏଜେନ୍ସି: ଜମ୍ମୁ କଶ୍ମୀରର ରାଜୌରୀ ଜିଲ୍ଲାରେ ନିୟନ୍ତ୍ରଣ ରେଖା (ଏଲ୍ଓସି) ନିକଟରେ ସେନା ଶନିବାର ଅନୁପ୍ରବେଶକାରୀଙ୍କ ଉଦ୍ୟମ ବିଫଳ କରିଛି। ସେନାର ଯବାନ୍ମାନେ ଜଣେ ଆତଙ୍କବାଦୀକୁ ନିହତ କରିଛନ୍ତି। ପ୍ରତିରକ୍ଷା ବିଭାଗର ଜଣେ ମୁଖପାତ୍ର ଏହି ସୂଚନା ଦେଇଛନ୍ତି। ମୁଖପାତ୍ର କହିଛନ୍ତି ଯେ, ସେନାର ଅପରେଶନରେ ସାମିଲ ଥିବା ଏକ ଟିମ୍ ନୌସେରାର ଲାମ ସେକ୍ଟରରେ ସୀମା ଅତିକ୍ରମ କରୁଥିବା ଜଣେ ଆତଙ୍କବାଦୀକୁ ଦେଖିଥିଲେ। ସେନାର ଗୁଳିରେ ଆତଙ୍କବାଦୀ ନିହତ ହୋଇଥିଲା।
ପ୍ରତିରକ୍ଷା ମୁଖପାତ୍ର କହିଛନ୍ତି ଯେ, ଆତଙ୍କବାଦୀ ପ୍ରଥମେ ସେନା ଉପରକୁ ଗୁଳି କରିଥିଲା। ଜବାବୀ କାର୍ଯ୍ୟାନୁଷ୍ଠାନ ସମୟରେ ସେ ନିହତ ହୋଇଥିଲା। ଆତଙ୍କବାଦୀର ମୃତଦେହ ଜବତ ହୋଇଛି। ଅଧିକାରୀ ଜଣକ କହିଛନ୍ତି ଯେ, ଘଟଣାସ୍ଥଳକୁ ଅତିରିକ୍ତ ସେନା ପଠାଯାଇଛି। ସୁରକ୍ଷାକର୍ମୀଙ୍କ ସର୍ଚ୍ଚ ଅପରେଶନ ଜାରି ରହିଛି।
ଅନ୍ୟପଟରେ ଆତଙ୍କବାଦୀମାନେ ଶନିବାର ଶ୍ରୀନଗରରେ ଜଣେ ପୁଲିସ କର୍ମୀଙ୍କୁ ହତ୍ୟା କରିଛନ୍ତି। ଜଣେ ପୋଲିସ କର୍ମଚାରୀ ଜାତୀୟ ଗଣମାଧ୍ୟମକୁ ଏହି ସୂଚନା ଦେଇଛନ୍ତି। ସେ କହିଛନ୍ତି ଯେ, ସହରର ଜୁନିମାର ଅଞ୍ଚଳରେ ଜନ ରୋଡ ଉପରେ ଆତଙ୍କବାଦୀମାନେ ସକାଳ ୮ଟାରୁ ରାତି ୪୦ ମିନିଟ ପର୍ଯ୍ୟନ୍ତ ଜମ୍ମୁ କଶ୍ମୀର ପୋଲିସ କନଷ୍ଟେବଳ ଗୁଲାମ ହାସନ ଉପରେ ଗୁଳିମାଡ଼ କରିଥିଲେ।
